Павлодардағы көпқабатты тұрғын үйдің терезесінен құлаған бір жарым жасар бала көз жұмды

Павлодар облыстық денсаулық сақтау басқармасының мәліметінше, оқиға туралы шақырту 30 шілде күні сағат 19:23-те түскен. Хабарламада Торайғыров көшесіндегі үйден биіктен құлау фактісі тіркелгені айтылған.

Дәрігерлер бірінші санаттағы шұғылдық бойынша оқиға орнына екі минут ішінде жеткен.

Оқиға орнында медицина қызметкерлері бір жарым жасар баланың көз жұмғанын анықтады.