Путин мен Кабаеваның оқшауланып өмір сүретін ұлдары туралы мәліметтер жарияланды

Агенттік ақпаратынша Путин мен Кабаеваның үлкен ұлының аты - Иван, кішісі - Владимир. Олар 2015 және 2019 жылдары Лугано мен Мәскеуде дүниеге келген. Босануға көмектескен швейцариялық клиниканың гинекологы Наталья Тибо 2023 жылы қайтыс болған.

Балалар Путиннің Валдайдағы (жылдың көп бөлігін өткізетін) резиденциясында немесе Сочиде оқшауланып өмір сүреді. Олар ұшақпен және тікұшақпен, сондай-ақ бронды пойызбен саяхаттап, яхталарда жүзеді.

Бала тәрбиесімен күтушілер мен мұғалімдер айналысады. Жалақы 330 мың рубльден басталып, айына 1,2 миллион рубльге дейін жетеді. Мерекеде балалар мен мұғалімдер Путин мен Кабаеваға қойылымдар дайындайды.

Балаларға бөлек тамақ дайындайтын жеке аспаздары бар. Оларды жеке жүргізушілер алып жүреді. Жүзу және гимнастика бойынша жеке жаттықтырушылар Иван мен де Владимирмен де жұмыс істейді. Путин үлкен ұлымен хоккей ойнайды.

Иван Дисней мультфильмдерін жақсы көреді және «ата-анасының наразылығына қарамастан олардың кейіпкерлері болып ойнайды». Балалар Lego және iPad ойнайды. Валдайда олардың екі пони, қоян және иттері бар, оларға FSO кинологтары қарайды.

Иван мен Владимир құрдастарымен сирек сөйлеседі. Көбінесе олар анасының достарының балаларын көреді. Қауіпсіздік қызметкерлері мен офицерлері Путиннің балаларымен «тәуекелге бармайды» және олардың қыңырлығына бағынады. Ұлдарына тек президенттің өзі ғана қатал сөйлей алады.