«Путиннің туған күніне сыйлық»: Украиналық хакерлер Ресейдегі пропагандалық телеарналарды өшіріп тастады

Кибермамандар «Россия 1» және «Россия 24» телеарналарының онлайн-трансляциясын өшірген. Басылым мәліметінше, таңертеңнен бастап негізгі үгіт-насихат арналары «Россия 1» және «Россия 24», «Ресей мәдениеті», РТР «Планета» және тағы 20-дан астам арна онлайн-трансляцияны тоқтатты.

«Біздің ақпаратымыз бойынша, бұл телеарналардың онлайн-трансляциясы ғана емес, сонымен қатар теледидар да жұмыс істемейді», - дейді ақпарат көздері.

Өз кезегінде ресейлік компаниялардың қызметкерлері «серверлердегі барлық ақпарат жойылды, тіпті сақтық көшірмелер де, онлайн хабар тарату және ішкі қызметтер де жұмыс істемейді, тіпті интернет пен телефон да жоқ» деп шағымданады.

Шабуыл үшін жауапкершілікті Украинаны қолдайтын «Sudo rm-RF» анонимді хакерлер тобы өз мойнына алды, олар Ресей Федерациясына бірнеше рет соққы жасаған.

Айта кетейік, қыркүйек айының соңында Ресейдің әртүрлі аймақтарында 800-ден астам серверге шабуыл жасалды. Барлық деректер қайта қалпына келтірілмейтіндей жойылған.