Қарағандылық жас футболшылар Ташкентте қонақүйдегі таңғы астан кейін ауруханаға түсті

Балалардың іші ауырып, дене қызуы көтерілген. Дәрігерлер алдын ала улану диагнозын қойғанымен, оған нақты не себеп болғаны әзірге белгісіз.

Алдын ала мәлімет бойынша, жұмыртқа жемеген сегіз бала зардап шекпеген. Қалған балалардың жағдайына байланысты зертханалық талдау жүргізіліп жатыр. Оның нәтижелері 12 сағат ішінде белгілі болады.

Оқиғаның мән-жайы мен балалардың денсаулығына қатысты құзырлы органдар ресми түсініктеме берген жоқ.