Қасым-Жомарт Тоқаевты ұлықтау рәсімі қашан өтетіні белгілі болды
ҚР ОСК төрағасы Нұрлан Әбдіров кезектен тыс президент сайлауының соңғы қорытындысын айту барысында Мемлекет басшысы қашан ант беретінін айтты.
Кандидаттар бойынша дауыстардың соңғы нәтижесі айтылды. Қасым-Жомарт Тоқаев 81,31 пайызбен сайлауда жеңіске жетті.
«ОСК халық сайлаған Қасым-Жомарт Тоқаевты Қазақстанның Президенті ретінде тіркеді. Заңнамаға сәйкес, Мемлекет басшысына тиісті куәлік тапсырылады. Президент антты 26 қарашада береді», — деді ОСК төрағасы Нұрлан Әбдіров.
ОСК деректеріне сәйкес, президент сайлауына тізімге енгізілген 8 300 046 қазақстандық қатысты. Осылайша, келушілер саны 69,44% құрады.
Президент сайлауының түпкілікті нәтижесі:
- Қасым-Жомарт Тоқаев – 81,31%;
- Қарақат Әбден – 2,6%;
- Нұрлан Әуесбаев – 2,22%;
- Жигули Дайрабаев – 3,42%;
- Мейрам Қажыкен – 2,53%;
- Салтанат Тұрсынбекова – 2,12%;
- Бәріне қарсымын – 5,80%.
Сайт Әкімшілігі
Сайт Әкімшілігі
