Бүгін, 13:15

Qazaq Titan Латын Америкасының UBC Continental чемпионы атанды

Қазақстандық спортшы, үш дүркін КИнЭС рекордшысы Алмат Жұманов (Qazaq Titan) 17 желтоқсан күні кәсіпқой бокстан Латын Америкасы құрлығының UBC Continental тұжырымы бойынша чемпиондық белбеуін жеңіп алды.

Кездесу Колумбияның Санта-Марта қаласында өтті. Бұл сында отандасымыз 77 кг салмақ дәрежесінде жергілікті боксшы Александр Монтероссамен (25-18-3) жұдырықтасты. Кездесу 1 раундта (26 секунд) нокаутпен аяқталды.

Еске салайық, Алмат Жұманов, Қазақстан Рекордтар кітабына үш мәрте рекорд тіркеген, жалаң қолмен жұдырықтасу спортында АҚШ-тың BKFC лигасымен келісімшартқа отырған алғашқы қазақ.