Ресей әскерилері тұтқынға алынған тоғыз украинды атып өлтірді - Deepstate

Аналитиктердің мәліметінше, бұл оқиға 10 қазан күні Зелёный Шлях ауылына жақын жерде болған. Жоба украиналық әскери қызметкерлерге сілтеме жасап, сондай-ақ қылмыс орнының суреттерін жариялаған. 

Жобаның жазуынша, украиндық әскерилер өздерін тылда деп санап, ресейлік сарбаздардың келуін күтпеген. Соған қарамастан, олар қарсы атыс ашқан. Украиндіктердің оқ-дәрілері таусылғаннан кейін, олар тұтқынға түскен. Ресейліктер оларды қарусыздандырып, шешінуді бұйырып, атып тастағаны айтылады. 

Украинадағы адам құқықтары жөніндегі уәкіл Дмитрий Лубинец ресейлік әскерилердің әрекеттерін әскери тұтқындарға қатысты Женева конвенциясын бұзу деп бағалап, Ресейді «барлық соғыс ережелері мен дәстүрлерін бұзатын террористік мемлекет» деп атады. Ол БҰҰ және Халықаралық Қызыл Крест комитетіне болған жағдайды тергеуді және оған баға беруді сұрап жүгінген.

Халықаралық гуманитарлық құқыққа сәйкес, тұтқынға түскен және тұтқынға берілген сарбаздарға қарсы жасалған кісі өлтіру әскери қылмыс болып табылады.

Ресейлік тарап тұтқындардың атылуына қатысты хабарларға пікір білдірген жоқ.