Ресейде Навальныйдың туған күніне орай қауіпсіздік шаралары күшейді

16 ақпанда Харп ауылындағы полярлық колонияда қайтыс болған Алексей Навальный бүгін 48 жасқа толар еді. Туған күнінде саясаткердің жақтастары таңертеңнен бастап ол жерленген Мәскеудегі Борисов зиратына барып жатқаны айтылуда.

Адамдар саясаткердің бейітіне гүлдер, оның портреттері мен сөздері жазылған плакаттарын апарды. Ал, Ресейдің кейбір аймақтарында билік Навальныйдың туған күніне арналған митингілердің алдын алу үшін бірқатар шаралар қабылдаған, деп жазады басылым.

Сыктывкар, Пермь және Березники қалаларында «7x7» телеграм-каналында («шетел агенттерінің» тізілімінде) хабарлағандай, Навальныйдың туған күні қарсаңында полиция қызметкерлері белсенділердің үйлерін аралап, жиналуға рұқсат етілмейтіні туралы ескертулер таратқан.

Ал, Новосібірде саяси қуғын-сүргін құрбандарына арналған ескерткіш ескерту ленталарымен қоршалған. Қоршауға билік бұйрығының көшірмесі қоса тіркеліп, онда «ескерткішті тексеру» және «саябаққа келушілердің қауіпсіздігі үшін» деп жазылған. 

Кешке Берлинде Алексей Навальныйды еске алуға арналған «Сәлеметсіз бе, бұл Навальный» концерті өтеді. Онда Ресей заңына сәйкес, «шетел агенттерінің» тізіміне енген Noize MC, Каста, Айгель, «Порнофильмдер» және т.б. өнер көрсетеді.

Фото: SOTAvision