Семейде өзін өртеген ер адам қайтыс болды

Оқиғаға байланысты қылмыстық іс қозғалып, полиция тергеу жүргізіп жатыр.
Полицияның мәліметінше, оқиға 30 қазанда сағат 17:00 шамасында болған.

"Семей қаласында ер адам болжам бойынша өзін-өзі өртеп, қаза тапты", – делінген ведомство хабарламасында.

Жергілікті бұқаралық ақпарат құралдарының жазуынша, оқиға Абай облыстық сотының алдында болуы мүмкін. Алайда бұл ақпарат әзірге ресми түрде нақтыланбаған.

Қазіргі уақытта полиция оқиғаның мән-жайын анықтап жатыр.