Шольц Ресейдің Сумыға жасаған соққысын "қатігез шабуыл" деп атады

Германия канцлерінің міндетін атқарушы Олаф Шольц ресейлік әскерилердің Украинаның солтүстік-шығысындағы Сумы қаласына жасаған шабуылын «қатігез шабуыл» деп атады. Шольц тиісті хабарламаны X әлеуметтік желісінде жариялады.

"Жексенбі күні ресейлік зымырандар жазықсыз бейбіт тұрғындарды өлтірген Сумыдан түсірілген кадрлар таң қалдырады. Германия бұл қатігез шабуылды барынша қатаң түрде айыптайды. Ресейдің мұндай шабуылдары Ресейдің бейбітшілікке дайын екенін көрсетеді", - деп жазды Шольц.

Айта кетейік, сәуірдің 13-і күні таңертең ресейлік әскерилер Сумы қаласының орталығына екі зымыранмен шабуылдаған.

Украинаның Төтенше жағдайлар жөніндегі мемлекеттік қызметінің соңғы мәліметі бойынша, атыстан 34 адам қаза тапты, оның екеуі бала. Кем дегенде 117 адам жарақат алды. Зардап шеккендердің арасында 17 бала бар.

Зеленский АҚШ-ты, Еуропаны және әлемнің басқа да елдерін қаланы атқылауға қатысты қатаң ұстанымға шақырды.

"Ресей мұндай террор мен соғысты ұзартқысы келеді. Агрессорға қысым жасамай, бейбітшілікке қол жеткізу мүмкін емес. Құрғақ әңгіме баллистикалық және әуе бомбаларын ешқашан тоқтатқан емес. "Ресейге террорист ретінде қарау керек", - деді Украина президені.