Жазылу
13:40, 23 Қараша 2023
Тағы бір сала өкілдерінің жалақылары өсті
2024 жылдың 1 қаңтарынан бастап тағы бір сала өкілдерінің жалақысы өспек. Атап айтқанда, су саласы қызметкерлерінің еңбекақысы орта есеппен 25%-ға ұлғаяды. Су ресурстары және ирригация министрлігі тиісті шараларды әзірлеп жатыр.
Бұдан бөлек, Қазақстанның әр өңірінде су ресурстарын бөлу және оны пайдалануды бақылау мәселелерімен айналысатын бөлімдер пайда болады.
«Су саласында қызмет етудің тартымдылығын арттыру қажет, еңбекақыны көтеру – осы бағыттағы маңызды қадамдардың бірі. Әрине, жұмыс істеп жүрген кадрларды салада ұстап қалып қана қоймай, уақыт талабына сай мамандардың жаңа толқынын дайындау да маңызды. Министрлік тиісті ұсыныс енгізу бойынша жұмыс істеп жатыр», – дейді ҚР Су ресурстары және ирригация министрі Нұржан Нұржігітов.
