Жазылу
Тимур Құлыбаев KazEnergy төрағалығынан кетті
Олигарх, экс-президент Нұрсұлтан Назарбаевтың күйеу баласыТимур Құлыбаев Kazenergy қазақстандық қауымдастығының төрағасы қызметінен кетті.Бұл қызметке «ҚазМұнайГаз» АҚ басқарма төрағасы Мағзұм Мирзағалиев тағайындалды, деп хабарлайды Zhasalash.kz.
Қауымдастық мұнай-газ, электр энергетикасы және атом өнеркәсібі салаларында жұмыс істейтін компанияларды біріктіреді. Қауымдастықтың мақсаты – Қазақстандағы энергетика саласының тұрақты және теңгерімді дамуына жәрдемдесу.
«KAZENERGY» Қазақстандық мұнай-газ және энергетикалық кешен ұйымдары қауымдастығының төрағасы болып Мағзұм Мирзағалиев сайланды. Тиісті шешім 8 желтоқсанда Алматыда өткен KAZENERGY кеңесінің күндізгі отырысында қабылданды», - деп хабарлайды KazEnergy баспасөз қызметі.
Қауымдастық төрағасының лауазымы ерікті негізде және жалақы төленбейтіні атап өтілген.
Тимур Құлыбаев KazEnergy компаниясын 2005 жылдың қарашасынан бері басқарып келеді. Қауымдастықтың өзі 2005 жылы 2 қарашада мұнай-газ секторындағы кәсіпкерлікті дамытуды қолдау мақсатында құрылған.
