Тоқаев Австрия президентін Ұлттық күнімен құттықтады
Қазақстан президенті Қасым-Жомарт Тоқаев Австрияның федералдық президенті Александр Ван дер Белленге елдің Ұлттық күніне орай құттықтау жеделхатын жолдады.
Мемлекет басшысы құттықтауында Қазақстан мен Австрия арасындағы екіжақты ынтымақтастықтың алдағы уақытта да нығая түсетініне сенім білдірді.
Сондай-ақ Австрия президентіне мемлекеттік қызметінде табыс, ал Австрия халқына бақ-береке мен өркендеу тіледі.
Бұдан бөлек, Қасым-Жомарт Тоқаев Қазақстанның Республика күніне орай құттықтау жолдаған шетелдік көшбасшыларға алғыс айтты.
"Қазақстанның Республика күніне орай шынайы құттықтаулары мен жылы лебіздерін жолдаған барлық мемлекет және үкімет басшыларына, сондай-ақ ірі халықаралық ұйымдардың жетекшілеріне алғыс айтамын. Елімізге деген ізгі ниеттеріңізді егемен Қазақстан халқы ризашылықпен қабыл алды", – деп жазды президент X әлеуметтік желісіндегі парақшасында.
