Тоқаев Жамбыл облысындағы жағдайға байланысты шұғыл жиын өткізді

Бұл туралы Берік Уәли мәлімдеді. 

«Мемлекет басшысы Жамбыл облысында болған жарылыстарға байланысты шұғыл жиналыс өткізіп, ведомствоаралық мемлекеттік комиссия құруды тапсырды.

Оған премьер-министрдің орынбасары Роман Скляр басшылық жасайды. Қаза болған азаматтардың отбасын әлеуметтік қорғау және зардап шеккен тұрғындарға көмек көрсету үшін барлық қажетті шаралар қабылданады», — деп жазды Берік Уәли Facebook-те.

Президент Роман Склярға жиын аяқталған соң Жамбыл облысына шұғыл баруды және барлық шараны оқиға орнынан ұйымдастыруды тапсырды.