Трансұлттық ұйымдасқан қылмыстық топ құрды деген 12 күдікті ұсталды

Тергеу мәліметтері бойынша, қылмыстық топ «жер қойнауын геологиялық зерттеуге» лицензиясын алып, заңсыз алтын өндірумен айналысқан.

Ақмола облысында 2021-2023 жылдар аралығында бағалы металдарды заңсыз өндірген трансұлттық ұйымдасқан қылмыстық топ құрды деген күдікке ілінген 12 адамға - Қазақстан, Украина және Ресей азаматтарына қатысты қылмыстық іс бойынша тергеу аяқталды, делінген хабарламада.

Жалпы шығын мөлшері 250 миллион теңгеден асады. 

Көлік прокуратурасы істі сотқа жолдағанын айтты.