Түркиядағы мектептегі атыс: қаза тапқандар саны артты

Reuters мәліметінше, Түркияның ішкі істер министрі Мустафа Чифтчи 13 адамның жараланғанын хабарлаған. Олардың алтауы ауыр жағдайда. Бұған дейін өңір губернаторы Мукаррам Унлюэр төрт адамның қаза тауып, 20 адамның жараланғанын айтқан еді.

Шабуыл жасаған — 13 жастағы оқушы

Алдын ала мәлімет бойынша, қарулы шабуылды осы мектептің 8-сыныбында оқыған 13 жастағы жасөспірім жасаған. Ол да оқиға барысында қаза тапқан.

Оның нақты қалай көз жұмғаны белгісіз:

• кей деректерде қауіпсіздік күштері атып өлтіргені айтылса,

• басқа ақпарат көздері оның өзіне-өзі қол жұмсағанын хабарлайды.

Шабуылдың себептері әзірге анықталған жоқ, тергеу жүріп жатыр.

Қару қайдан келген?

Ресми дерек бойынша, оқушының жанынан:

• 5 қару;

• 7 оқшантай табылған.

Алдын ала болжамға сәйкес, бұл қарулар оның бұрын полиция қызметкері болған әкесіне тиесілі болуы мүмкін. Кей мәліметтерге қарағанда, оқиғадан кейін әкесі ұсталған.

Губернатордың айтуынша:
«Оқушы мектепке рюкзакқа салынған қарумен кірген. Ол екі сыныпқа кіріп, ретсіз оқ жаудырып, адамдардың қаза табуына және жаралануына себеп болды».

Оқиға барысы

Оқиға куәгерлерінің айтуынша, мектеп аумағында дүрбелең басталған.

NTV тілшісі:
«Қатты оқ дауыстары естілді. Мектеп маңында үлкен дүрбелең болды», – деп хабарлады.

Оқиға орнынан түсірілген кадрларда:

• мектепке жүгіріп келген ата-аналар;

• жедел жәрдем көліктерінің жаралыларды ауруханаға алып кеткені көрінеді.

Ал AFP таратқан видеода оқушылардың екінші қабаттан секіріп жатқан сәті түсірілген. Бір жарым минуттық бейнежазбада кемінде 15 рет оқ атылғаны естіледі.

Бұл – соңғы екі күнде Түркия мектептерінде қару қолданылған екінші жағдай.

Бір күн бұрын Сиверек қаласындағы кәсіптік лицейде бұрынғы оқушы оқ жаудырып, 16 адам жараланған. Кейін шабуыл жасаған адам өз-өзіне қол жұмсаған.

Шанлыурфа провинциясының губернаторы Хасан Шилдак оның мектепке аңшылық мылтықпен келіп, айналасындағыларға бей-берекет оқ атқанын мәлімдеді.