Жетісу облысында экскаватор қаққан 11 жастағы қыз қаза тапты
Жетісу облысында экскаватор жаяу жүргіншілер жолағынан өтіп бара жатқан 11 жастағы қызды қағып кетті. Бала оқиға орнында көз жұмды.
Оқиға Текелі қаласында болған. Облыстық полиция департаментінің мәліметінше, осы дерекке қатысты қылмыстық іс қозғалды.
Алдын ала мәлімет бойынша, Volvo маркалы доңғалақты экскаватордың жүргізушісі қиылыстан өту кезінде жаяу жүргіншілер жолағымен өтіп бара жатқан кәмелетке толмаған қызды қағып кеткен. Алған жарақаттарынан бала қайтыс болды.
Көлік жүргізушісі ұсталып, уақытша ұстау изоляторына қамалды. Қазір полиция жол апатының барлық мән-жайын анықтап жатыр.
Редакция «Все СМИ» желісіне қатысады.
Сайт Әкімшілігі
Сайт Әкімшілігі
