3 миллиард теңге, 2 мың жәбірленуші, 950 том

Түркістанда  қаржы пирамидасына қатысты іс сотқа жолданды

Сайт әкімшілігі

02.11.2021, 11:50

502

Түркістан облысында «Индиго 24»-«Evolution Corpоration» қаржы пирамидасының ұйымдастырушылары мен қатысушыларына қатысты 950 томдық қылмыстық іс айыптау актісімен бірге сотқа жолданды. Бұл туралы Түркістан облысы Полиция департаментінің  баспасөз қызметі хабарлады.

2020 жылдың жазынан бастап республиканың ішкі істер органдарына «Индиго 24» қаржы пирамидасының құрбаны болған азаматтардан арыздар түсе бастаған. Олар негізінен Түркістан, Маңғыстау облыстары мен Шымкент және Нұр-Сұлтан қалаларының тұрғындары. Осылайша жәбірленушілер саны 2000-нан астам азаматты құрады.

Азаматтардың арыздары Қылмыстық кодекстің 190-бабы (алаяқтық) және 217-бабы  (қаржы пирамидасын құру және оған басшылық ету) бойынша тіркелді. Қылмыстық іс аясында қаржы пирамидасын құруға және оны басқаруға қатысы бар деген күдікпен полиция қызметкерлері 25 адамды анықтап, ұстады. Олар: Алматы, Нұр-Сұлтан, Шымкент қалалары секілді үш мегаполистің және Түркістан облысының тұрғындары. Тағы бір күдіктіге іздеу жарияланды. Олардан компьютерлік техника, жылжымалы және жылжымайтын мүліктер тәркіленді.

Жасалған қылмыстың ауқымын ескере отырып, Ішкі істер министрі Е.Тұрғымбаевтың бұйрығымен Түркістан облысы Полиция департаменті базасында еліміздің 5 облысының қызметкерлерінен құрамында 30 тергеушісі бар топ құрылды.

Ал сол топты Түркістан облысының тәжірибелі тергеушілерінің бірі полиция майоры Алтынай Жолымбекова басқарды, ол тергеу тобындағы жалғыз әйел. Тергеуге 7 арнайы прокурор да қатысты. Тергеу тобының жұмысына жедел уәкілдермен бірге  сарапшылар және аудармашылар тартылды. Сотқа дейінгі тергеп-тексерудің мерзімі жылдан астам уақытқа созылды.

Осы уақыт ішінде полицейлер мен прокурорлар күдіктілердің кінәсінің дәлелдерін жинау бойынша ауқымды жұмыстарды атқарды, оның ішінде  сараптаманың 15 түрі тағайындалды. Сондай-ақ тергеу тобы қылмыстық топтың 2018 жылдың ақпаны мен 2020 жылдың тамыз айы аралығында, яғни жарты жыл ішінде салымшыларға кепілді жүз пайыздық пайда беруге уәде ете отырып, алаяқтық жолмен сенгіш азаматтардан 3 000 000 000 теңгеден астам қаражатты иемденгенін анықтады. Күдіктілер алаяқтық жолмен түскен ақшаны өзара бөлісіп отырған. Азаматтардың басым бөлігі қаржы пирамидасына кіру үшін өздерінің үйлерін кепілге қойып, несие алған.

Сотқа дейінгі тергеу барысында тергеушілер қылмыстық топтың ұйымдасқан сипатта болғанын, жоспарланған түрде әрекет еткенін және әр қатысушының рөлдері нақты бөлінгенін дәлелдей алды.

Нәтижесінде полицейлер мен прокурорлар айыптау актісімен 160 мыңнан астам беттен тұратын көп томдық қылмыстық істі сотқа жолдады. Айыптаушыларға «алаяқтық», "қаржы пирамидасын құру және оған басшылық ету" және "ұйымдасқан қылмыстық топты құру және оған басшылық ету" баптары бойынша айып тағылып отыр.

Тегтер: қылмыс оқиға тергеу тексеру сот

ҰҚСАС ЖАҢАЛЫҚТАР

Сайт әкімшілігі 16:19
Шиелі ауданында 3297 жаңа жұмыс орны ашылды
Бифат ЕЛТАЕВА 12:21
Ғибраты мол байқау
Сайт әкімшілігі 08:37
Павлодарда лак-бояу өнімдері қоймасында алапат өрт болды
Сайт әкімшілігі 26.11.2021, 13:30
Қарағандыда тағы бір ферроқорытпа зауыты ашылды
Сайт әкімшілігі 26.11.2021, 12:16
Жезқазған ақыны Қарағандыда өткен республикалық айтыста Бас жүлде иегері атанды
Айтбала СҮЛЕЙМЕНҚЫЗЫ 26.11.2021, 09:15
Қара алтынның үстінде отырған Қарағандыда көмір қымбат

Аңдатпа


  • "Жас Алашқа" жазылуды ұмытпаңыз!
    23.11.2021, 10:20
  • Қайта түлеуге қадам басқан Майқұдық
    22.11.2021, 14:03
  • «Жас Алашты» ауыл кітапханасына жаздырып бердім
    16.11.2021, 10:00
  • «Ақиқаттың алдаспаны» байқауына қатысыңыз
    26.10.2021, 11:14
  • «Ақиқаттың алдаспаны» байқауына қатысыңыз
    19.10.2021, 10:30