Аэропортта шу шығарған жолаушыға шара қолданылды

Сайт әкімшілігі

20.11.2020, 09:07

1331

Шымкент қаласының әуежайында көлік полицейлері қоғамдық тәртіпті бұзғаны үшін жолаушыны ұшаққа кіргізбеді

Аталмыш полицияға әуежай қызметкерінен құқық бұзушыға қатысты шаралар қабылдау қажеттігі туралы хабарлама келіп түскен

— Өтініш берушінің айтуынша, күту залында масаң күйде болған ер адам өзін агрессивті ұстап, әдепсіз сөйлеген, осылайша қоғамдық тәртіпті бұзған,-дейді көліктегі полиция департаментінің бастығы Оңал Бекеев.

Оның айтуынша, оқиға орнына келген көлік полициясы оны тыныштандыруға тырысты. Алайда, тәртіп сақшыларының заңсыз әрекеттерді тоқтату туралы ескертулеріне құқықбұзушы құлақ аспай, қоғамдық тәртіпті бұзуды жалғастырды.

Ер адам билік өкілдерінің заңды талаптарына бағынбай, билік өкілдеріне қатты және ашық түрде балағат сөздер айтты.

Тексеру барысында көлік полицейлерімен құқық бұзушының Түркістан облысының 37 жастағы тұрғыны екені анықталды.

«Аталған азамат полиция бөліміне жеткізіліп, онда оған ҚР ӘҚБтК-нің 440-бабының 1-бөлігі, яғни, жергiлiктi атқарушы орган алкогольдік ішімдіктерді құйып сатуға рұқсат еткен сауда және қоғамдық тамақтандыру ұйымдарынан басқа, көшелерде және басқа да қоғамдық орындарда алкогольдік ішімдіктерді iшу немесе қоғамдық орындарға адамның қадiр-қасиетiн және қоғамдық имандылықты қорлайтын масаң күйде келу; ҚР ӘҚБтК-нің 434-бабы 1-бөлігі, яғни,  ұсақ бұзақылық;  ҚР ӘҚБтК-нің 667-бабы 1-бөлігі, яғни, құқық қорғау органы немесе арнаулы мемлекеттік орган, әскери полиция органы қызметкерінің (әскери қызметшісінің), сот приставының, сот орындаушысының заңды өкіміне немесе талабына бағынбау және ҚР ҚК-нің 378-бабы 1 бөлігі, яғни, билік өкілін қорлау фактілері бойынша бірден  үш әкімшілік хаттама толтырылды», — деп өз сөзін растады полиция полковнигі.

Медициналық куәландыру қорытындысына сәйкес ер адам орташа дәрежедегі алкогольдік масаң күйде болғаны анықталды.

«Қоғамдық орындарда масаң күйінде болу фактісі бойынша оған 5 АЕК көлемінде айыппұл салынды. Екі әкімшілік бап бойынша материалдар Шымкент қаласының мамандандырылған ауданаралық әкімшілік сотына процестік шешімін қабылдау үшін жолданды.

Сондай-ақ, билік өкілін қорлау фактісі бойынша тергеу жүргізілуде», — дейді Оңал Бекеев.

Естеріңізге сала кетейік, биылғы жылдың басынан бастап көліктегі ПД-да полиция қызметкерлерінің өз лауазымдық міндеттерін орындау кезінде оларға қатысты қорлауға, бағынбауға және күш қолдануға байланысты 20-дан астам факті тіркелген.

Тегтер: заң тәртіп шара айыппұл

ҰҚСАС ЖАҢАЛЫҚТАР

Сайт әкімшілігі 16.05.2022, 17:47
Республикалық референдумға қатысу – азаматтық борыш
Айтбала СҮЛЕЙМЕНҚЫЗЫ 16.05.2022, 16:50
Қарағандылық шаруалар қауырт қимыл үстінде
Әділ АҚЫЛБАЙ 13.05.2022, 11:45
Отандық спортқа отандық бизнес демеуші
Айтбала СҮЛЕЙМЕНҚЫЗЫ 12.05.2022, 17:11
Қайырымдылық қоғамға пайдалы
Арайлым ЕРКЕБАЕВА 12.05.2022, 08:07
Сатылған бақтан бақ тайды ма?..
Сайт әкімшілігі 10.05.2022, 06:43
Қостанайда 11 отбасы баспанасыз қалды

Аңдатпа


  • Мәскеуменен Тәшкеннен көш келеді
    12.05.2022, 08:30
  • Әскердегі әлімжеттік пе, әлде?..
    12.05.2022, 08:12
  • Сатылған бақтан бақ тайды ма?..
    12.05.2022, 08:07
  • Қазақша оқыт балаңды!
    05.05.2022, 05:30
  • "Өгіз мүдде"
    05.05.2022, 05:27