Әкім ішімдікке тойып алып, қызметтік көлікпен қыдырған

Мариям МАҚСАТ

12.11.2020, 16:57

1338

10 қазан, сенбі күні Шығыс Қазақстан облысы, Курчатов қаласының жол-патрульдік полиция қызметкерлері Lada 21214 автокөлігін тоқтатып, жүргізушінің мас екенін анықтаған. Ішімдікке тойып алып, қызметтік көлікті тізгіндеген жүргізуші Павлодар облысы Май ауданы Ақжар ауылының әкімі Серік Құсайынов болып шықты. Шенеуніктің қала көшесінде мас күйінде жүргені аздай қызметтік көлікті жүргізуге рұқсат беретін құжаты жоқ екен.

15 қазан күні Май аудандық сотының шешімімен ол 15 тәулікке қамауға алынып, жеті жыл көлік жүргізу құқығынан айырылды.

Ауыл әкімі сот отырысы кезінде де, қызметтік тексеріс барысында да кінәсін толығымен мойындады. Мас күйінде құжаты жоқ көлікпен өзге өңірдің көшелерінде көлік айдау – жұмыстан әп-сәтте қуып шығуға негіз болатын әрекет. Бірақ ауылдықтар басшысын қызғыштай қорғап шыға келді. Серік Құсайыновтың 2011 жылдың қазанынан бастап әкім қызметін жоғары деңгейде атқарғанын көрсетіп, тұрғындар арасында абырой-беделі зор, құрметке лайық екенін атап, ұжымдық хат жазды. Әдеп жөніндегі кеңес ауылдастардың хатын ескерген болса керек,  ауыл әкімінің мемлекеттік қызметшіге сай емес қылық көрсеткенін ғана айтып, мәселені жылы жауып қойды.

Ауылдықтардың араша түскеніне қарамастан Май ауданының әкімі қоластындағы қызметкерді жұмыстан шығарды. Енді Серік Құсайынов ауыл әкімі емес. Бұл жағдай лауазымын пайдаланып, ойына келгенін, қалағанын істейтін өзге атқамінерлерге сабақ болса игі.

Тегтер: әкім жергілікті басқару тұрғындар халық жүйе жауапкершілік

ҰҚСАС ЖАҢАЛЫҚТАР

Сайт әкімшілігі 23.05.2022, 10:30
Келесте 14 мал ұрлығына қатысы бар топ ұсталды
Сайт әкімшілігі 23.05.2022, 09:43
Коронавирус жұқтырған жеті қазақстандық ауыр жағдайда жатыр
Сайт әкімшілігі 21.05.2022, 19:13
Шымкенттегі жарылыс: Оқиға салдарынан бір нәресте шетінеді
Сайт әкімшілігі 21.05.2022, 18:29
Шымкент:Төтенше жағдайлар департаментінің бастығы жарылысқа байланысты шұғыл брифинг берді
Нұр-Қасым ЖОМАРТ 20.05.2022, 11:50
Кәсіпкерлік ортаның бәсекесі қыза бастады
Айтбала СҮЛЕЙМЕНҚЫЗЫ 19.05.2022, 11:25
Қарағанөзектік балалар өлімге бас тігіп жүріп білім алуда

Аңдатпа


  • НӘН-байдың заманы мен зауалы
    20.05.2022, 08:09
  • Амалбек Тшанов: Бұлардың көзқұрты – колледжің жері
    20.05.2022, 08:01
  • Келесте 14 мал ұрлығына қатысы бар топ ұсталды
    23.05.2022, 10:30
  • Мусин міз бақпайды
    19.05.2022, 08:52
  • Сор болған стрестік активтер
    19.05.2022, 08:56