Әкімдік өзі беріп, өзі қайтарып алмақ

Айтбала СҮЛЕЙМЕНҚЫЗЫ

06.11.2020, 10:18

959

Сәтбаев қаласының ғұлама ғалым атындағы даңғылындағы  162 –үйде тұратын 13 отбасы дәрменсіз күйде отыр. Биылғы жылдың тамыз айында баспаналы болған тұрғындарға қалалық  әкімдіктен талап хат келген.  Ескерту хатты оқыған ел естен танардай есеңгіреп қалған. Амалы таусылған жандар  мұң-мұқтажын жоғарыдағыларға жеткізу үшін  тілшілер қауымын шақырды.  Бақ өкілдерінің алдына суырылып шыққан Гүлім Сұлтанова, жергілікті әкімдіктің хабарламасын көрсетіп,   желтоқсанның 3 не дейін пәтерлерін босатуға бұйрық берілгенін баяндады.

— Қыр астында қыс тұр. Қара суықта бала-шағамызбен  қайда барып  бас сауғалаймыз? Бұл әкімдіктің азабы ма, мазағы ма?-деп, қиналысқа түскен  жұрттың жанайқайын жеткізді.

Жергілікті әкімдіктің «тосын сыйына» тап болғандардың алды 12 жыл  баспана кезегінде тұрған.  Олардың  қатарында қырық  жылға жуық еңбек өтілі бар полицейлер мен мұғалімдер бар. Әдетте, жеті  рет өлшеп, бір  рет кесетін биліктің бұлайша шатқаяқтауы  бұрын соңды  бұл өңірде болмаған құбылыс. Тас түскен жеріне ауыр демей ме? Сең соққандай сенделген жұртқа басу айту қиын.

Әкімдіктің салғырттығы ма,  әлде сасқаны ма?

 Тұрғындардың айтуынша,  бұл  үй оларға  мемлекеттік қызметкерлерде арналған баспана ретінде берілген. Ал, Сәтбаев қаласы әкімінің баспасөз хатшысы Назерке Сапарбек,  аталған баспананың   «Нұрлы жер» бағдарламасына енетін тұрғындарға тиіс екенін мәлімдеді. Әкімдік қызметкерінің сөзінше,  тұрғын үй комиссиясының мүшелері адамдарды қоныстандыру кезінде қателік жіберген. Ағаттыққа бой алдырған тұлғалар жазасын алған. 

Бұл ақталу ма, әлде  датталу ма? Кінәлілер заң жүзінде   жазаларын алар. Сайып келгенде, тұрғындардың тағдыры сонда  кімді толғандыруы тиіс?  Мәселеден хабардар барлық санаттағы әкімдіктер әзірге, тым-тырыс отыр.

Тегтер:

ҰҚСАС ЖАҢАЛЫҚТАР

Сайт әкімшілігі 13:23
Түркістандағы қайғылы оқиға бойынша сот үкімі шықты
Арайлым Еркебаева 26.01.2022, 09:25
Зейнеткерлердің зейнетақысы бес жыл бойы ұрланып келген
Айтбала СҮЛЕЙМЕНҚЫЗЫ 20.01.2022, 12:00
Жәйремдіктердің жанайқайы:«Мемлекеттік бағдарламамен берілген үйдің сиқы осы»
Мариям МАҚСАТ 20.01.2022, 08:53
Кім кімді алдады?
Арайлым ЕРКЕБАЕВА 19.01.2022, 17:45
Қарағанды өңіріндегі дүрбелең қалай өрбіді?
Қайрат Балабиев 19.01.2022, 16:57
Атамекенді аялау – азаматтық парызымыз

Аңдатпа


  • Байлар 30 жыл «жиып-тергенін» «Қазақстан халқына» қия ма?!
    20.01.2022, 08:50
  • Біреуге бас қайғы, біреуге «мал» қайғы
    20.01.2022, 08:49
  • Алматыны «терроризм астанасы» етпек болды
    20.01.2022, 08:48
  • Қазақстанда билік төңкеріледі - үндістандық көріпкел Арченаның айтқаны келді
    19.01.2022, 00:00
  • «Аш адам ұрысқақ келетінін» ұмытпасақ екен...
    19.01.2022, 08:48