Әлихан бейнесі көз тартады

Сәтжан ҚАСЫМЖАНҰЛЫ

26.08.2021, 09:40

563

Семей қаласында Алаш көсемі Әлихан Бөкейхановтың туғанына 155 жыл толуына орай салынған өзгеше өрнек қала төрінен орын алды. Шәкәрім даңғылындағы №15 көпқабатты үйдің қабырғасынан Әлихан Бөкейханның ерекше тұлғасы көз тартты. Ұлт перзентінің асқақ тұлғасы бейнеленген мурал Семейдегі алғашқы стирт-арт стиліндегі туынды болуымен де ерекшеленеді.

Айта кетейік, екі апталық жұмыстың нәтижесінде дүниеге келген туындының авторы – Александр Романов. Алматыдан келген сегіз жылдық тәжірибесі бар кәсіби маманның талантына семейліктер зор ризашылығын білдіріп отыр.

Erudit Group білім беру орталығының атқарушы директоры Мақсат Жәнібектің айтуынша, аталған сурет тұрғын үйге қызмет көрсетуші компаниямен,  тұрғындармен келісіп, заңды негізде жүзеге асырылған. Муралды салып шығуға 3,5 миллион теңге шамасында қаржы жұмсалыпты. Сондай-ақ 60 литр акрил бояуы қолданылған. Ұзақ уақыт сақталуы үшін қабырғаның көлеңке тұсы таңдап алынған.

       Ұлт мүддесін көздеген Алаш көсемінің есімін ардақтау идеясының себепкері Қазақ инновациялық гуманитарлық-заң университеті екенін (ректоры – Шырын Асылханқызы) айта кеткен жөн.  Аталған мекенжайдағы тұрғын үйдің кіреберісіне LED-лампалар орнатылып,  аумақты абаттандыру жұмыстары жүргізіліп жатыр.

       «Университет қолдауымен жүзеге асырылған мурал бүгінде қала көрінісіне  әсемдік беріп қана қоймай, Әлихан Бөкейханның тұлғасына, ел тарихына құрмет ретінде және қаламыздың көркеюіне, абаттануына үлес қосу мақсатында да орындалған ерекше мәдени насихаттаушы туынды болды», – дейді Мақсат Жәнібек.

Сырт қарағанда ұлт намысына қуат сыйлайтын көрініс екеніне шүбә жоқ. Алайда Семей қаласы Ертіс өзенінің  сол жағалауындағы бөлігінің шет аймағында орналасқан Комсомол кентіндегі Әлихан Бөкейхан көшесіне көз түскенде көңіл құлазиды. Өйткені 89 үй орналасқан, асфальті шала төселген көше Алаш көсемінің атында.

Ал аталған мурал салынған үй қала орталығындағы Шәкәрім даңғылында орналасқанын ел жақсы біледі.  Абай, Міржақып Дулатов, Шоқан Уәлиханов, Жүсіпбек Аймауытов көшелері де қатарласып жатыр.

Сайып келгенде, Әлихан Бөкейханұлына орнатылған ескерткіш те осы төңіректе тұрғанда «Семей – парадокстар қаласы» деген белгілі саясаттанушы Айдос Сарымның көзқарасы да көкейге қонатындай. Күні ертең оқу ордасы алдын ала мәлімет таратқандай, Мәңгілік ел көшесіндегі Қазақ инновациялық-гуманитарлық университетіне Әлихан Бөкейханның есімі берілсе, көшенің де ұлт тұлғасының атын сұрап тұратыны анық. Ал ол кезде Мәңгілік ел көшесін «далада қалдырмай», жаңадан салынған «Қарағайлы» ықшамауданына шығарып салуға әбден болады.

Тегтер: тұлға пайым пікір естелік

ҰҚСАС ЖАҢАЛЫҚТАР

Тоқтар ҒАБДРЕШҰЛЫ 15:00
Оралда көкөніс өсіру тиімді бизнес
Миуа БАЙНАЗАРОВА 08:40
Әділхан ЖӨЛЕКЕШОВ: Оқушыларымыз карантиндік талапқа сай білім алуда
Айтбала СҮЛЕЙМЕНҚЫЗЫ 20.09.2021, 18:23
Қарағандыда құрылыс басында қазалы жағдай орын алды
Айтбала СҮЛЕЙМЕНҚЫЗЫ 20.09.2021, 16:55
Нұралықтар-қауырт қимыл үстінде
Таңшолпан ҒАЗИЗҚЫЗЫ 17.09.2021, 11:38
Қоқыс та қордалы мәселе
Мариям МАҚСАТ 17.09.2021, 09:13
«Басшымыз күн көрсетпейді»

Аңдатпа


  • Ұлт құндылығының ұлағаты
    14.09.2021, 12:30
  • «Жас Алаштың» 100 жылдығы Жамбылда жалғасты
    03.08.2021, 11:01
  • «Жас Алаш» газетінің мерейтойына орай бильярдтан турнир өтті
    30.07.2021, 12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29
  • "Жас Алаштың" 100 жылдығына орай ұйымдастырылған бильярд турнирі тартысты өтті
    14.03.2021, 11:39