Батысқа көмек! Оңтүстік осындай ұранмен Маңғыстауға жемшөп жіберіп жатыр

Б.СӘРСЕНБИ

23.07.2021, 16:06

1007

Биылғы құрғақшылық Түркістан облысына оңай соғып тұрған жоқ. Шөптің шығымы жылдағыға қарағанда өте нашар. Бірақ  осыған қарамастан, облыста төрт түлікке қажетті жемшөп қоры толығымен жасақталады. Жуырда Қазығұрт ауданында өткен көшпелі мәжілісте өңір басшысы Өмірзақ Шөкеев тиісті қызметкерлерге тапсырмалар берді.  Алдағы уақытта жемшөптің бағасын тұрақтандыру мақсатында Қарағанды облысының Ұлытау ауданындағы орман қорындағы босалқы және жайылым жерлерінен табиғи шөптерін жинап алу жөнінде келісімдер жасалды.  

Қазір Түркістан облысы құрғақшылықтан мал қырылып, шарасыз жағдайға түскен Маңғыстау облысына жемшөп жіберу шарасына кірісті. Еріктілердің бастамасын қалың көпшілік қызу қолдап, қолдан келгенше атсалысып жатыр. Бұған дейін Маңғыстау облысына мақтааралдықтардың бір вагон, Жетісай ауданы шаруаларының 74 тонна пресс шөп жөнелткені хабарланған еді. Батыстағы ағайынға көмек көрсетуді шардаралық шаруалар жалғастырды. Қ.Тұрысбеков ауылдық округінің азаматтары шығынға ұшыраған шаруаларға жүк көлігімен 1000 дана пресс шөп жөнелтті. Сауабы мол іске С.Әбдіраманов бастаған ауыл тұрғындары, мешіт жамағаты және «Шағалалы Шардара» қайырымдылық қорының мүшелері атсалысқан.

Шардаралық жомарт жандардың айтуынша, жиналмаған пресс шөбі әлі жеткілікті. Алдағы уақытта оларды тағы да жіберу жоспарлануда.

Батыс өңірінің жұртшылығына қол ұшын созу шарасына Түркістан облысының өзге аудан, қалалары да үлестерін қосып жатыр. Өткен аптада Арыс қаласы әкімдігінің ұйымдастыруымен Қостүйін тұйығына  вагондар қойылды. Арыс қаласы шаруаларының, белсенді азаматтарының қолдауымен Батысқа көмек ретінде вагонға шөп тиелді. Бұл шөп еліміздің батысындағы шаруаларға жеткізіледі.

Облыс әкімдігі баспасөз қызметінің хабарлауынша, өңір басшысы Өмірзақ Шөкеев алғашқы күндерден бастап, батыс өңірлерге жемшөпті жөнелтудің тегін логистикасы мәселелерін бақылауда ұстап келеді. Бұған дейін «Қазақстан темір жолы» ұлттық компаниясы» АҚ қолдауымен Маңғыстау облысына 23 вагон шөп жөнелтілген болатын. Бұдан бөлек, бүгін Сарыағаш қаласының теміржол станциясынан тағы 10 вагон мал азығы жіберілді. Қазіргі уақытта жергілікті еріктілер мен аграршылар Түркістан облысы әкімдігі мен «Қазақстан темір жолы» ұлттық компаниясы» АҚ қолдауымен Маңғыстау және басқа да облыстарға қосымша 40 вагон жемшөп жіберу жұмыстарын жүргізуде. Келісімдерге сәйкес, мал азығын тасымалдау тегін болады.

Сонымен қатар облыс әкімдігі және «Қазақстан темір жолы» ұлттық компаниясы қажет болған жағдайда дайындалған жемшөпті тасымалдау үшін 100 вагон ұсынуға дайын.

– Мұратбек және Құрмет інілеріміз бастаған игі іс елді жұмылдырып, жүздеген тонна пресс жемшөп жиналып жатыр.  Қарапайым жастарымыз бастап, қоғам белсенділері атсалысып, әрқайсысында 25-30 тоннаға дейін шөп тиелген 10 вагон жөнелтілді. Бұған қоса, «Қазақстан теміржолы ҰК» АҚ басшысы Нұрлан Сауранбаев қуаңшылықтан зардап шеккен өңірлерге Түркістан облысынан жіберілетін жемшөп тасымалы бойынша барынша қолдау көрсететінін мәлімдеді. Ауыл шаруашылығы министрінің міндетін атқарушы Ербол Қарашөкеев, облыс басшысы Өмірзақ Шөкеев  және «Қазақстан темір жолы» АҚ төрағасының келісіміне сәйкес, шөп тегін тасымалдануда. Халықтың қалауын ескеріп, азаматтарымыздың ниетін қолдаған, көмекке мұқтаж бауырларымызды демеуге ынталы басшылыққа алғыстан басқа айтарым жоқ. Жемшөп тасымалынан өзге, «Қазақстан теміржолы ҰК» АҚ облыстық филиалын Шымкент қаласынан Түркістан облысына көшіру бойынша келісімге келдік. Құжаттамалық және логистикалық мәселелері шешіліп, филиалдың облыс аумағында орналасуы жергілікті кіріске оң әсерін тигізіп, қызмет көрсету сапасы да жақсара түседі деп ойлаймыз. Алла игі істерімізді көп етіп, қашанда бір-бірімізге қолдау білдіре алатын мүмкіндік берсін, – дейді облыс әкімінің орынбасары Рашид Аюпов.

Күні кеше батыстағы ағайынға бұған дейін 74 тонна шөп жөнелткен Жетісай ауданының халқы тағы 45 тонна көмек жіберді.

Тегтер: қуаңшылық құрғақшылық мал шаруашылығы мәселе

ҰҚСАС ЖАҢАЛЫҚТАР

Сайт әкімшілігі 14.01.2022, 13:16
"Инфекцияның келесі толқыны наурызда көбеюі мүмкін" - Алматының бас санитар дәрігері
Сайт әкімшілігі 14.01.2022, 11:49
Түркістанды ағын сумен қамтуда маңызды жобалар жүзеге асуда
Арайлым ЕРКЕБАЕВА 12.01.2022, 18:14
Кәсіпкер блок - бекетте тұрғандарға жылы киім апарды
Айтбала СҮЛЕЙМЕНҚЫЗЫ 12.01.2022, 13:15
Қарағандылықтарды тұрмыстық газдың бағасы қинап тұр
Айтбала СҮЛЕЙМЕНҚЫЗЫ 12.01.2022, 10:15
Қарағандыда 43 адам қамауға алынды
Айтбала СҮЛЕЙМЕНҚЫЗЫ 11.01.2022, 14:00
Кеншілер мен металлургтер Президентке үндеу жолдады

Аңдатпа


  • "Қазақстан халқына" қорына білім беру ұйымдары ақша аударуға міндеті емес
    17.01.2022, 14:00
  • Алматы трагедиясы: Бас прокуратура қылмысты толық аша ала ма?!
    14.01.2022, 08:54
  • Сағынтаев Алматыдағы бүлік кезінде қайда болды? (видео)
    13.01.2022, 09:30
  • Эпид ахуал күрделеніп барады. Бас санитардың қаулысы жарияланды
    14.01.2022, 08:39
  • Бүліктен бизнеске келген залал 100 миллиард теңгеден асты
    13.01.2022, 09:08