Биыл Жамбылда баспанаға мұқтаж 765 отбасы үйлі болады

Сайт әкімшілігі

11.12.2020, 16:03

157

Жыл басында Таразда «Нұрлы жер»  бағдарламасы бойынша  3025 пәтерді құрайтын 54 көпқабатты тұрғын үйдің құрылысы басталған болатын. Бұл ретте оның 47-сі жыл соңына дейін толық пайдалануға беріледі десек, олардың басым көбі үй алып үлгерді. Ал қалған 7 үйдің кілті 2021 жылы табысталады. Бұл туралы Тараз қаласының әкімі Айтқазы Қарабалаев өңірлік коммуникациялар қызметінің ақпарат алаңында өткен брифинг барысында баяндады.

Ал алдағы уақытта 15-ші мөлтек аудандағы құрылыс жұмыстары  толықтай аяқталатын болса, онда 8 мың 500 отбасыға арналған 190 көпқабатты үй болады. Қазір онда 35 тұрғын үйдің құрылысы аяқталған.  Сонымен қатар, 2019 жылдан өтпелі 16 тұрғын үйдің құрылысы жалғасуда. Бұдан бөлек, 10 арендалық және 9 кредиттік тұрғын үйлердің құрылысы жүріп жатыр.

-«Жоғарыда аталғандарды қорытындылай келе, ағымдағы жылы Сүлейменов көшесінің соңындағы алқапта 45 пәтерлі 15, 60 пәтерлі 12 және 80 пәтерлі 10 кредиттік тұрғын үйлер пайдалануға берілетін болады. Жалпы алғанда 2435 пәтер пайдалануға беріледі»,- деді қала әкімі Айтқазы Қарабалаев.

-Бүгінде Тараз қаласында 18 887 адам үй кезегінде тұр. Жыл соңына дейін аталған тізімдегі  әлеуметтік жағынан аз қамтылған және көпбалалы 765 отбасы пәтермен қамтамасыз етіледі,- деп отыр қала әкімі.

Биыл да баспанаға мұқтаж жүздеген отбасыға аталған 15-ші шағын ауданнан пәтер кілттері берілген болатын. 

Бұрындары жастарының «бұзықтығымен» танылған бұл Тараз соңғы жылдары тәртіпке келе бастағандай. Айталық, биыл қаңтар-қазан айларында барлығы 2873 қылмыс тіркеліп, өткен жылмен салыстырғанда қылмыс 35,2 пайызға төмендепті. Салыстырмалы түрде айта кетер болсақ, былтыр бір жыл ішінде 4437 қылмыс дерегі тіркелген болатын.

Айта кету керек, биыл тонау, есірткі қылмысы, қарақшылық және ұрлық қылмыстары едәуір төмендеген. Алайда ауыр және аса ауыр санаттағы қылмыстардың тіркелуі көңіл көншітпейді. Яғни, ауыр қылмыстар 92,8 пайызға, қасақана өлтіру 100 пайызға өсіп отыр. Мұндай қылмыстардың ашылуы былтыр 64,9 пайызға, биыл  81,5 пайызға төмендеген.

Биыл Таразда салықтан түскен түсім артыпты. Мемлекеттік бюджетке 41,3 миллиард теңге салық пен өзге де міндетті төлемдер түскен. Оның ішінде,  облыс бюджетіне құйылған салық қаржысы 28,4 миллиард теңгені құрапты.

Тегтер:

ҰҚСАС ЖАҢАЛЫҚТАР

Сайт әкімшілігі 16:32
Алматы облысында демалыс күндері локдаун жарияланады
Айтбала СҮЛЕЙМЕНҚЫЗЫ 12:03
Қараусыз қалған аулалар, қоқыс басқан Қарағанды
Бақытжан ӘБДІРАШҰЛЫ 08:58
Ермекбаев айтқан «диверсия» дәлелденді ме?
Заңғар КЕРІМ,арнайы «Жас Алаш» үшін Токиодан 03.08.2021, 14:32
Грек-рим шеберлері сенімді ақтамады
Ерзия ЕРСҰҢҚАР 03.08.2021, 12:12
Басты мақсат – сот жүйесіне халықтың сенімін арттыру
Сайт әкімшілігі 02.08.2021, 13:15
Дәрігерлер тұрғындарға үндеу жасады

Аңдатпа


  • «Жас Алаштың» 100 жылдығы Жамбылда жалғасты
    03.08.2021, 11:01
  • «Жас Алаш» газетінің мерейтойына орай бильярдтан турнир өтті
    30.07.2021, 12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29
  • "Жас Алаштың" 100 жылдығына орай ұйымдастырылған бильярд турнирі тартысты өтті
    14.03.2021, 11:39
  • «Жас алаштағы» жасын жылдар
    15.07.2021, 10:58