Карантин: Түркістанда қоғамдық бақылау күшейді

Сайт әкімшілігі

12.10.2020, 03:36

729

Түркістанда қаладағы эпидемиологиялық жағдайға қоғамдық бақылауды күшейту мақсатында арнайы рейд шаралары ұйымдастырылуда.

Карантиндік талаптарды тексерудің кезекті шарасы еліміздің Ақпарат және қоғамдық даму министрлігінің бастамасымен өтті, деп хабарлайды «Жас Алаш»  coronavirus2020.kz-ке сілтеме жасап. 

Рейдтке шыққан арнайы мобильді топтың құрамына бұл жолы қала және аудан полицейлері, әкімдік қызметкерлері, қалалық тауарлар мен көрсетілетін қызметтердің сапасы мен қауіпсіздігін бақылау басқармасы мен кәсіпкерлік палатасының қызметкерлері қатысты.

Шаһардағы дүкендер мен көпшілік тамақтанатын орындарды аралау барысында кәсіпкерлік нысандардағы карантиндік талаптардың сақтала бермейтіні анықталды. Мәселен, азық-түлік дүкендерінде сатушылар да алушылар да бетперде тақпайды, кіреберісте антисептикалық сұйықтықтар қойылмайды. Дәл осындай жағдай дәмханалар мен мейрамханаларда да қалыптасқан.

Онда келушілерді отырғызуда ара қашықтықтың сақталмайтыны, даяшылар мен әкімшілік қызметкерлері және келген қонақтар да бетпердесіз жүргені анықталды. Карантиндік талаптарға сай нысандарды уақтылы жабу бойынша да кемшіліктер тіркелді.

Айта кетейік, бұған дейін өңірде 217 адам отбасылық той-жиын өткізіп, ұйымдастырғаны үшін жауапқа тартылған болатын. Олардың арасында 64-і «Беташар» болса, 36-ы «Қыз ұзату» тойлары тіркелген. Ал, полицейлердің айтуынша, облыста шектеу шараларына қарамастан ережені елемейтіндер қатары көбейіп отыр.

Жалпы, бүгінгі күнге дейін Түркістан облысының полицейлері ҚР ӘҚБтК-нің 425-бабымен «Халықтық санитариялық-эпидемиологиялық, гигиеналық талаптарын бұзу» бойынша 2889 жайтын тіркеп, әкімшілік хаттамаларды сотқа өткізген.

Тегтер:

ҰҚСАС ЖАҢАЛЫҚТАР

Сайт әкімшілігі 13:15
Дәрігерлер тұрғындарға үндеу жасады
Сайт әкімшілігі 10:48
Қырғызстанда жоғалған қазақстандық қыз өлі табылды
Сайт әкімшілігі 09:24
Еліміздің барлық өңірі «қызыл» аймақта тұр
Гүлжан СЕРІКҚЫЗЫ 30.07.2021, 17:53
Ішкі туризмнің халі қалай?
Сайт әкімшілігі 30.07.2021, 17:51
Әкімшілік рәсімдік-процестік кодексі: мемлекетке сену құқығы
Сайт әкімшілігі 30.07.2021, 17:49
Жаңа кодекс қазақстандықтарды қалай қорғайды?

Аңдатпа


  • «Жас Алаш» газетінің мерейтойына орай бильярдтан турнир өтті
    30.07.2021, 12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29
  • "Жас Алаштың" 100 жылдығына орай ұйымдастырылған бильярд турнирі тартысты өтті
    14.03.2021, 11:39
  • «Жас алаштағы» жасын жылдар
    15.07.2021, 10:58
  • Ташкенттен «Жас Алаш» газетінің түпнұсқасы табылды (видео)
    07.07.2021, 13:15