М.Әйтенов: Нашар басқарма басшыларына қатысты шара қабылданады

Сайт әкімшілігі

05.09.2020, 08:24

199

Шымкент қаласында әлеуметтік-экономикалық көрсеткіштерге қол жеткізу мақсатында биылғы ақпан айында басқару жүйесін оңтайландыруға арналған жобалық кеңсе құрылған болатын.  Шымкент қаласының әкімі Мұрат Әйтеновтің төрағалығымен «Шымкент қаласының даму бағдарламасы» аясында осы жобалық кеңсенің басқарушы кеңес отырысы өтті. Жиынның күн тәртібінде басшылардың жобаларды жүзеге асыруға байланысты жеке жауапкершілігін арттыру мәселесі қаралды. Ол үшін «Easy Project» кросс-платформасының KPI ақпараттық-тақтасында көрсеткіштер мен жобаларды жаңарту және толықтыру жұмыстарының уақытылы әрі сапалы орындалуын қадағалау керектігі сөз болды.

Қала басшысы аталған жобалық кеңсенің негізгі көрсеткіштер мониторингін (KPI) автоматтандыруды қамтамасыз етуге мүмкіндік беретін онлайн-форматтағы құрал әзірленгенін атап өтті. Бұл құрал жоспарлы және нақты көрсеткіштерді салыстыруға және нәтижеге қол жеткізуге әрбір жобаның тигізген әсерін бағалауға мүмкіндік туғызды.

— Әкімдік жұмысын жобалық басқару әдістерімен жүргізуге, іске асыруға барынша мүмкіндік беруде. Ал, біз жаңа басқару жүйесін енгізудің дайындық кезеңін аяқтадық. Әкімдік басқармаларының басшылары мен негізгі қызметкерлері ақпараттық жүйеде жұмыс істеуге үйретілген және практикалық дағдыларға ие, -деді М.Әйтенов.

Сонымен қатар, қала басшысы  орынбасарларына апта сайын басқарма басшыларымен бірге KPI-мониторды қадағалау және жоспарлы көрсеткіштердің орындалмау қаупі бар басқармалармен жұмыс істеу, нақты жобалардағы мәселелерді анықтау және оларды шешуге көмек көрсетуге тапсырма берді.

— Бізге санды көбейтуге ғана жарайтын жобалар қажет емес. Яғни, жобалардың саны емес, жұмыстың нәтижесі маңызды. Сондықтан, жобалық кеңсенің басшысы Асқар Сүлейменовке Басқарушы кеңестің әрбір отырысына жоспарлы көрсеткіштердің нақты орындалуы тұрғысынан ең үздік үш және ең нашар үш басқарманың тізімін беруді тапсырамын. Тиісінше, ең нашар басқарма басшыларына қатысты шаралар қабылданатын болады,- деді қала әкімі.

Тегтер:

ҰҚСАС ЖАҢАЛЫҚТАР

Сайт әкімшілігі 13:15
Дәрігерлер тұрғындарға үндеу жасады
Сайт әкімшілігі 10:48
Қырғызстанда жоғалған қазақстандық қыз өлі табылды
Сайт әкімшілігі 09:24
Еліміздің барлық өңірі «қызыл» аймақта тұр
Гүлжан СЕРІКҚЫЗЫ 30.07.2021, 17:53
Ішкі туризмнің халі қалай?
Сайт әкімшілігі 30.07.2021, 17:51
Әкімшілік рәсімдік-процестік кодексі: мемлекетке сену құқығы
Сайт әкімшілігі 30.07.2021, 17:49
Жаңа кодекс қазақстандықтарды қалай қорғайды?

Аңдатпа


  • «Жас Алаш» газетінің мерейтойына орай бильярдтан турнир өтті
    30.07.2021, 12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29
  • "Жас Алаштың" 100 жылдығына орай ұйымдастырылған бильярд турнирі тартысты өтті
    14.03.2021, 11:39
  • «Жас алаштағы» жасын жылдар
    15.07.2021, 10:58
  • Ташкенттен «Жас Алаш» газетінің түпнұсқасы табылды (видео)
    07.07.2021, 13:15