«Мұнайдың үстінде отырып мұнайға жарымаймыз»

                   Дизельді отын жетпей, автобустар тоқтап қалды

Арайлым ЕРКЕБАЕВА

15.10.2021, 08:25

946

       Қарағанды облысында дизельді отын тапшылығы қатты сезіліп тұр. Шалғай ауыл мен аудандағы қараша халық бағасы удай дизельді отынға  жете алмай, тығырықтан шығатын жолды өздері іздеуге мәжбүр. Тіпті бұл тапшылықты облыс орталығы да сезіне бастады.

       Облыс орталығы Қарағандыда өткен аптаның демалыс күндері дизельді отынның жетпей қалуы жұртты біршама дүрліктірді. Аталмыш жанар-жағармайы таусылған  қоғамдық көліктің бірталайы жолаушылар тасымалына шықпады. Жолаушылар аялдамада автобустарын сарыла күтіп тұрды. Осыдан кейін жұрттың шағымы көбейді. Жанар-жағармай бекеттерінде дизельдік отын сатылмай, оның талонмен ғана босатылуына байланысты демалыста қала ішіндегі қоғамдық көліктің 30 пайызы жолға шықпады. №2  бағыттағы шағын автобус  мүлдем тоқтады, ал қалған бағдардағы автобустар саны қысқарды.

       Сондай-ақ облыс орталығынан аудандар мен елді мекендерге қатынайтын қоғамдық көліктердің де біразы тоқтады. Оның ішінде Ақадыр, Жәйрем, Атасу елді мекендеріне қатынайтын автобустар 6 қазаннан бері жүрмей тұр. Бұған автопарктердің дизельді отынды тауып бере алмауы себеп. Ауыл мен қала арасына қатынап жүретін жұрт бір аптадан бері бағасы шарықтап кеткен таксидің бағасынан көресіні көріп отыр. Облыс билігі әдеттегідей мәселені реттейміз деп, уәдені үйіп-төгеді. Айтуларынша, жанар-жағармайдың тапшылығы  Павлодар қаласындағы мұнай өңдеу зауытының жөндеу жұмыстарына тоқтауы салдарынан орын алыпты. Ал отыны мен көмірін тасып, қысқа толық дайындалып үлгермеген ауыл жұртына тіптен қиын болды.

–Мұнайдың үстінде отырып жанармайға жарымаймыз. Ыдысымызды қолымызға ұстап солярка іздеп, ауылды, одан кейін аудан, қаланы  аралап кеттік. Жылда күз басталса болды, осы дизельді отын қымбаттайды, тіпті жоқ болып кетеді. Кейде осыны қолдан жасай ма деп те ойлайсың, – дейді Ақтоғай ауданының тұрғыны Сержан есімді азамат.

        Шенеуніктер  өңірдегі автопарктердің жұмысын тоқтатпау үшін Қарағандыға дизель отынын жеткізгенін айтады. «Қазіргі күні №3 және №5 автопарктерде қоғамдық көліктердің үздіксіз жұмысын қамтамасыз ету үшін дизель отынының жеткілікті көлемі бар. 11 қазанда 35 тоннадан астам отын жеткізілген болатын. Екінші автопарк дизель отынын жеткізуге қатысты ұзақ мерзімді шарттар жасамаған. Мәселені шешу үшін әкімдіктің қолдауымен бүгін 10 тонна дизель отынын жеткізу туралы келісімшартқа қол жеткізілді», – деп хабарлады Қарағанды қаласы әкімдігінің баспасөз қызметі.

       Ал ауыл жұртына әзірге дизель отынын іздеп әуре болмаса да болады. Өйткені бұл мәселе ел бойынша түбегейлі шешілген жоқ.

Тегтер: мұнай экономика инвестиция биржа баға құлдырау

ҰҚСАС ЖАҢАЛЫҚТАР

Сайт әкімшілігі 23.05.2022, 10:30
Келесте 14 мал ұрлығына қатысы бар топ ұсталды
Сайт әкімшілігі 23.05.2022, 09:43
Коронавирус жұқтырған жеті қазақстандық ауыр жағдайда жатыр
Сайт әкімшілігі 21.05.2022, 19:13
Шымкенттегі жарылыс: Оқиға салдарынан бір нәресте шетінеді
Сайт әкімшілігі 21.05.2022, 18:29
Шымкент:Төтенше жағдайлар департаментінің бастығы жарылысқа байланысты шұғыл брифинг берді
Нұр-Қасым ЖОМАРТ 20.05.2022, 11:50
Кәсіпкерлік ортаның бәсекесі қыза бастады
Айтбала СҮЛЕЙМЕНҚЫЗЫ 19.05.2022, 11:25
Қарағанөзектік балалар өлімге бас тігіп жүріп білім алуда

Аңдатпа


  • Не істеу керек?
    24.05.2022, 08:00
  • Қазақстан шекарасын «қарақшы» күзетеді (видео)
    24.05.2022, 08:07
  • «Зың әкімге» де тықыр таянды ма?
    24.05.2022, 08:05
  • НӘН-байдың заманы мен зауалы
    20.05.2022, 08:09
  • Амалбек Тшанов: Бұлардың көзқұрты – колледжің жері
    20.05.2022, 08:01