"Нұрлы жермен" баспана алғандар сотқа шақырылып жатыр

Арайлым ЕРКЕБАЕВА

18.11.2020, 09:29

1371

             

      Қарағанды облысында «Нұрлы жер» бағдарламасымен  баспана алған жандардың басы дауға қалып жатыр. Алдымен Сәтбаев қаласында кезекке тұрып, мемлекеттік бағдарламамен пәтер алған 13 отбасы  «баспанадан шығулары» қажет екені жөнінде хабарлама алып, шу көтерген еді. Бюджеттік мекемеде қызмет етіп жүріп, ондаған жылдар бойы кезекте тұрып баспаналы болған тұрғындарға пәтерлерінен айырылып қалу қаупі төніп тұр.

       Бұл оқиғадан соң, көп ұзамай Жезқазған қаласының тұрғындары да  дәл осындай жайсыз жағдайға тап болғанын айтып, наразы болды. 2018 жылы Жезқазған қаласының сол кездегі әкімі Қайрат Бегімовтің қолынан салтанатты түрде пәтер кілтін алған тұрғындарға әкімдік енді баспананы босату қажеттігін айтып, әуре-сарсаңға салып отыр. Жезқазған қаласы тұрғындарының айтуынша,  шенеуніктер оларды сотқа беріпті. Қазіргі уақытта бұл мәселеге қатысты екінші сот отырысы өткен. Осылайша Жезқазғанда мемлекеттік бағдарлама арқылы баспана алған тоғыз отбасы далада қалайын  деп отыр.

—  Жезқазған қаласы әкімінің қабылдауында болдық, ол да бұрынғы әкім Қайрат Бегімов сияқты «далада қалмайсыңдар,  пәтер аласыңдар» деді. Біз олардың сөзіне сенуден  қалып барамыз. Бұл пәтерді мұғалім енеме мемлекеттік бағдарламамен берген болатын.  Сот басталып кетті, енді баспананы алып қоятын шығар деп ойлаймыз, – дейді Жезқазған қаласының тұрғыны, көпбалалы ана Ұлтуған Ажибекова.

      Жақында облыс әкімі Жеңіс Қасымбек  Жезқазған мен Сәтбаев қалаларындағы 22 бюджеттік мекеме қызметкерінің отбасына баспананың заңсыз берілгенін мәлімдеді. «Нұрлы жер» бағдарламасымен салынған бұл үйден бюджет қызметкерлеріне баспананы беру комиссия мүшелерінің жіберіп алған қатесі екен. «Заң бойынша жылу маусымы басталған соң, тұрғындарды ешкім пәтерлерінен қуа алмайды, сондықтан олар далада қалмайды. Жезқазған өңірінде басқа бағдарламалармен салынып жатқан үйлер бар, олар желтоқсан айында және келесі жылы жазда пайдалануға беріледі. Тұрғындар сол жерден пәтер алады», – деп мәлімдеді Қарағанды облысының әкімі Жеңіс Қасымбек.

       Ал екі қалада баспана үлестіру кезінде қателікке жол берген шенеуніктерге жаза ретінде сөгіс жарияланады. Талай жыл баспанаға кезекке тұрып, одан қала берді, құжат жинап, әкімшіліктің табалдырығын тоздырған тұрғындар «енді шенеуніктердің сотқа сүйрегені мазақ еткендей әсер қалдырды» деп отыр.

Тегтер: баспана мәселе проблема әкімдік

ҰҚСАС ЖАҢАЛЫҚТАР

Арайлым ЕРКЕБАЕВА 27.02.2021, 22:00
Судьяның тәртібін комиссия қарады
Сайт әкімшілігі 26.02.2021, 14:02
БҚО-да жол апатынан 4 адам қаза тапты
Сайт әкімшілігі 26.02.2021, 12:36
Түркістанға «Гам-КОВИД Вак» вакцинасы жеткізілді
Сайт әкімшілігі 26.02.2021, 11:21
Бірқатар өңірлерде жолдар жабылды
Бақытжан ӘБДІРАШҰЛЫ 26.02.2021, 09:18
Қос азаматтығы бар шенеунік басшылық қызметте қалай жұмыс істеген?
Нұр-Қасым ЖОМАРТ 26.02.2021, 09:15
Ардагерлер кеңесіне ұстанымы биік тұлға қажет

Аңдатпа


  • Буырқанған дауылда сыналған басылым
    25.02.2021, 13:12
  • «Жас Алаштан» басталған журналистік жол
    23.02.2021, 10:51
  • «Жас Алаштың» 100 жылдығымен құттықтаулар легі басталды
    22.02.2021, 13:50
  • «Қасымның тағдыры бұрмаланған»
    19.02.2021, 09:41
  • Түркістан облысында "Жас Алаштың" атында мектеп бар
    15.02.2021, 10:51