Оралда қоғам белсенділері күрек ұстап, қар тазалауға көмектесті

Тоқтар ҒАБДІРЕШҰЛЫ

28.12.2020, 14:48

1379

Кеше Орал ақ ұлпаға көміліп қалды. Көптен жаумай тұр еді, жаңа жыл алдында жапалақтап басталған қар ілезде боранға айналып, үйлер мен тал-терекке әдемі көйлек кигізді.

Әрине, қарапайым халыққа қар жауғаны керек болса, қаладағы коммуналдық сала қызметкерлері үшін ол кәдімгідей проблема. Тұрғындар тайғанамас үшін тротуарды, көліктер «сүзіспеуі» үшін күрежолды тазарту тым тәуір машақатты шаруа. Осы орайда жергілікті қоғам белсендісі Айболат Бөкенов әлеуметтік желіде: «Қыс – қарымен көріктіғой. Дегенмен, бүгін таңнан бері БҚО-да қалың қар жауып, алыс елді мекендерге жолдар жабылуда. Орал шаһарында жол тазалау жұмысы таңмен басталды. Ата-анамыздай үлкен кісілер қыстың суығы мен жаздың ыстығына қарамай қаламыздың тазалығы үшін еңбек етуде. Соларға аз да болса жылу сыйлайын деп ыстық тамақ пен шай апарып бердік. Бос уақыттарыңыз болса сіздер де сол кісілердің күрегін алып, бірер сағат көмектессеңіздер еш артықтық етпейді. Керісінше, денсаулыққа пайдалы. Ендеше, осы челленджді бөліп-жарымай ФБ-дағы барлық достарыма жолдаймын», — деп үндеу тастаған еді. Шақыруды қабыл алған қала тұрғыны Жұмажан Сүндетов кеше «Жайық Таза қала» ЖШС жұмысшыларына ыстық шай мен бәліш апарып берсе, бүгін тағы бір оралдық белсенді азамат Мұхтар Өтесов қолына күрек алып, қар тазалауға көмектесті. Игі бастама алдағы уақытта шаһар тұрғындары тарапынан қызу қолдау табады деген үміттеміз.

Тегтер: қар тазалау көше жол қоғам

ҰҚСАС ЖАҢАЛЫҚТАР

Айтбала СҮЛЕЙМЕНҚЫЗЫ 15.01.2021, 10:02
Бөлекбаев қарағандылықтардың қалтырап отырғаны үшін кешірім сұрады
Миуа БАЙНАЗАРОВА 15.01.2021, 09:54
Жол сапасы неге нашар?
Арайлым ЕРКЕБАЕВА 15.01.2021, 08:53
Жедел жәрдем мамандары қысым көргендерін айтып шу шығарды
Айтбала СҮЛЕЙМЕНҚЫЗЫ 14.01.2021, 16:52
Шахтадағы апат: кеншілердің бірі қаза болды, қалғандары ауруханада ем алуда
Арайлым ЕРКЕБАЕВА 14.01.2021, 13:07
Ленин шахтасында апатты жағдайдан машинист шыға алмады
Нұрболат ӘЛДИБЕК 14.01.2021, 12:19
Таразда Қонаевқа ескерткіш қойылады

Аңдатпа


  • Жұрт жадындағы Жолдасбек
    10.01.2021, 00:33
  • «Жас Алашым» – жастық шағым
    15.01.2021, 10:07
  • Қуат Хамитов: Қазағы көп жерге кетіп барамын
    14.01.2021, 13:01
  • «Әр таңымызды үреймен қарсы аламыз» (видео)
    14.01.2021, 11:41
  • "Жас Алаш" жазды, Егіндібұлақ елінің еңсесі көтерілді
    13.01.2021, 07:11