Сәтбаевтағы сергелдең: Халықты тонаған қарақшылар кімдер?

Айтбала СҮЛЕЙМЕНҚЫЗЫ

12.01.2021, 10:14

1321

Айдың-күннің аманында Сәтбаев қаласының  «Весовая»  және «Крестовский»  елдімекенінің  тұрғындары   беймәлім қаскөйлердің  «лаңкестік»  әрекеттіне тап болды.  Бейнелеп  айтқанда, жұрт жұмыста болған уақытта қарақшы  қылмыскерлер есігінде құлып тұрған  үйге баса-көктеп кіріп өртеп кеткен.

— Мені бұл арадан қысым жасап көшірмекші. Әкімдіктегілер маған  Сәтбаевтан 1 бөлмелі пәтер ұсынды. Өзімнің тұрып жатқан үйім 3 бөлмелі. Аядай бір бөлмелі пәтер  отбасыма таршылық  етеді. Ақыр- аяғы ұсыныстан бас тартуымның соңы  қара шаңырағымның қара күлге  айналуымен аяқталды. Мынадай ақ қар, көк мұзда далада қалдық, -деп, көз жасын көлдей төкті, Крестовский тұрғыны Николай Случик.  «Весовая» елдімекенінің  тұрғындары да дәл осындай кейіпке енген. Мұндағылардың айтуынша, әкімдік олардан  жақын арада елдімекенді босатуды сұраған. Көп ұзамай,  осындай  «тосынсый»  орын алған.  Орын алған жағдайдың себебін сұраған журналистерге  Сәтбаев қалалық әкімдігінің баспасөз қызметіндегілер нақты жауап қайтармады. Тек бір тұрғынның басындағы жағдайды көлденең тартып, жауапкершіліктен құтылуға асығып,  қулыққа басты.  Ресми өкілдегілер  «Крестовскийде»   тұратын Сағымбаеваға Сәтбаевтан 2 бөлмелі пәтер берілгенін айтты. Алайда, елдімекен тұрғыны  оны азсынып, бас тартқан. Қазір  «қиын клиентпен»  жергілікті әкімдіктегілер келіссөз жүргізіліп жатқан көрінеді. 

Айта кеткен жөн, Жезқазған, Сәтбаев қалаларының маңындағы  аталған  елдімекендердің жерастында жатқан  пайдалы қазбаларды өндіру мақсатында,  бұдан 9 жыл бұрын  кешенді даму жоспары құрылған еді. Сол кезде,  облыс әкімдігі  осынау жоспарды игеруге  ел қазынасынан 35 миллиардтан астам қаржы қарастырылғанын  жеткізген болатын.

Сәтбаевтағы оқиға  «Агата Кристидің»  детиктивтерінен  бір мысқыл да кем емес.  Сонда, бір тайпалы елді еңіретіп отырған қаскөйлер кімдер?  Әзірге, бұл мәселе басы ашық күйінде қалып отыр. Бірақ, жазықсыз жұртты ұлардай шулатып отырған қанаушылар жазаға  тартылуы керек. Тасада тұрғандар құтылып кетпесе, тәйірі...

Тегтер: қылмыс ұрлық полиция заңсыздық

ҰҚСАС ЖАҢАЛЫҚТАР

Сайт әкімшілігі 27.05.2022, 17:30
Жазғы лагерьлерге баратын балалардың саны артты
Арайлым ЕРКЕБАЕВА 27.05.2022, 10:00
Жастар қолдауды күтеді...
Айтбала СҮЛЕЙМЕНҚЫЗЫ 26.05.2022, 22:59
Қайырымдылыққа зәру бала көп
Ерзия ЕРСҰҢҚАР 26.05.2022, 22:55
Сот жүйесінің өзгерісі халық көңілінен шығуда
Сайт әкімшілігі 26.05.2022, 16:15
Қазақстанның ЮНЕСКО-ға мүше болғанына 30 жыл
Бақытжан ӘБДІРАШҰЛЫ 26.05.2022, 12:00
Шымкентте «Alan» халықаралық мектебі пайдалануға беріледі

Аңдатпа


  • Анамның тілі алаңдатады...
    26.05.2022, 08:40
  • «Дауылпаз ақынның» даңқы мен дақпырты
    26.05.2022, 08:38
  • Газеттер дар алдында тұр!
    26.05.2022, 08:35
  • Қазақ кредитке кіріп тұрып қуанады
    25.05.2022, 07:48
  • Қарашөкеевтің қиялы шаруалардың шамына тиіп жүр
    25.05.2022, 07:47