Шымкентте той өткізу тоқтамай тұр (видео)

Бақытжан ӘБДІРАШҰЛЫ

08.02.2021, 13:42

1370

Шымкент қаласында отбасылық іс-шараларды өткізуге қатаң тыйым салынғанына қарамастан той тойлау тоқтамай тұр. Соңғы уақытта мегаполисте коронавирус жұқтырғандардың көбеюі, эпидемиологиялық ахуалдың күрделенуі де тойшыл халықты ойландырмаған сыңайлы. Қазір  шымкенттік тәртіп сақшылары той-жиын өткізушілерді анықтау, тиісті жауапқа тарту шараларына белсене кірісуде.

Шымкент қалалық Полиция департаменті баспасөз қызметінің хабарлауынша, 6 ақпанда Абай аудандық Полиция басқармасының инспекторлары «Мұса» тойханасында той болып жатқанын анықтаған. Полицейлер мерекелік іс-шараны тоқтатып, тойға келген 200-ге жуық адамды үйіне қайтарды. Тойхана иесін карантин режимін өрескел бұзғаны үшін әкімшілік жауапкершілікке тарту мақсатында әкімшілік іс-құжаттарды жинақтап, Абай ауданы бойынша санитарлық-эпидемиологиялық бақылау басқармасына жолдап, айыппұл салынды. Ал Әл-Фараби ауданы Полиция басқармасының қызметкерлері рейдтік іс-шаралар кезінде «Ғажайып» тойханасында үйлену тойының өтіп жатқанын анықтады. Той ұйымдастырушыларға қатысты Әкімшілік құқық бұзушылық кодексінің 425–бабымен (халықтың санитариялық-эпидемиологиялық саламаттылығы саласындағы заңнама талаптарын, сондай-ақ гигиеналық нормативтердi бұзу)  іс-құжаттар жинақталып, Әл-Фараби аудандық тауарлар мен қызметтердің сапасы мен қауіпсіздігін бақылау басқармасына жолданды.

Сондай-ақ,  Абай ауданы Полиция басқармасының қызметкерлері жедел-профилактикалық іс-шаралардың барысында «Нұр Әлем» тойханасында тұрғындардың той өткізіп жатқанын анықтады. Мобильді топ өкілдері нысанға тосыннан кірген сәтте жиында 100-ден аса адам болған.

Шымкенттік полицейлер тұрғындарды карантин кезінде заң талаптарына сәйкес әрекет етіп, адамның көп шоғырлануына жол бермеуге шақыруда. Айта кетері, карантин режимі енгізілгелі бері Шымкент қаласы Полиция департаментінің аудандық Полиция басқармаларының қызметкерлері және арнайы құрылған мобильді топтар жұмыс істеуде.

Тегтер: карантин шектеу коронавирус тыйым

ҰҚСАС ЖАҢАЛЫҚТАР

Сайт әкімшілігі 04.08.2022, 13:22
Ақтауда полицейді пышақтап кеткен күдікті ұсталды
Сайт әкімшілігі 03.08.2022, 19:42
Әлемде маймыл шешегі өршіп барады
Сайт әкімшілігі 03.08.2022, 11:45
СҚО-да азық-түліктің қымбаттауына байланысты балабақшаларда балаларды тамақтандырмайды
Сайт әкімшілігі 02.08.2022, 20:21
Қонаев қаласында Алматы облысы активінің отырысы өтті
Сайт әкімшілігі 02.08.2022, 09:29
Қазақстанда бір тәулікте екі мыңнан аса COVID-19 жұқтыру дерегі тіркелді
Нұрболат ӘЛДИБЕК 02.08.2022, 09:03
Жастар әкіммен жүздесті

Аңдатпа


  • Баспана аспандады, азық-түлік шарықтады, үкімет өз жөнімен қалықтап жүр...
    05.08.2022, 09:17
  • АЭС-тің арты жақсы бола ма?!
    04.08.2022, 08:55
  • «Қазақстан халқына» қорынан халыққа пайда бар ма?!
    03.08.2022, 08:59
  • «Аллаһу акбар деп айқайлаған»: Жамбыл облысында сотталушы түрменің үш қызметкерін жаралады
    02.08.2022, 08:47
  • Халықты жоқшылық қысып барады...
    01.08.2022, 13:40