Шымкентте заңсыз құрылыс жұмыстары тоқтатылды

Сайт әкімшілігі

13.09.2020, 16:26

180

Шымкент қаласының әкімі Мұрат Әйтенов тұрғындарды жеке мәселелері бойынша онлайн форматта қабылдады. Қабылдауға жазылған шаһардың тұрғындары өздерін мазалайтын мәселелерін ортаға салды.

Қабылдауға келген Әл-Фараби ауданының тұрғыны Бану Көпбаева №8 мектеп маңында заңсыз құрылыс жұмыстары жүргізіліп, тұрғындар мен оқушыларға қолайсыздық танытып жатқанын айтты.

— Мен бұл жайтқа қанықпын. Аудан әкімімен өткен аптада аталған мекенжайға барып, мәселемен танысқан болатынмын. Қазіргі таңда жерді қала қажеттілігі үшін мемлекеттік меншікке қайтару жөнінде қаулы шығардым. Осыған сәйкес, алаңдауға негіз жоқ. Құрылыстың тоқтауын өз бақылауыма алғанмын, — деді қала әкімі Мұрат Әйтенов.

Бұдан өзге қабылдауда тұрғындар негізінен тұрғын үй және ойын алаңшалары жөнінде мәселе қозғады. Мәселен, Әл-Фараби ауданы «Спорт» шағын ауданының тұрғыны Данагүл Қобланова үйінің апатты жағдайда екенін айтып, көмек көрсетуін сұрады.

Қала әкімі заңға сәйкес мемлекеттік лицензиясы бар жобалау ұйымының техникалық қортындысын және жергілікті уәкілетті органның анықтамасын ұсыну арқылы тұрғын үй кезегіне тұру қажеттігін айтты. Баспананың кезек бойынша берілетінін және жаңа пәтер алған жағдайда апатты деп танылған үйді коммуналдық меншікке өткізу қажеттігін атап өтті.

Азаматтардың әрбір сауалын мұқият тыңдаған шаһар басшысы тиісті басқарма басшыларына сол сәтте тапсырма беріп, мәселелердің заң шеңберінде шешімін табатынын жеткізді.

Тегтер:

ҰҚСАС ЖАҢАЛЫҚТАР

Сайт әкімшілігі 12:14
Орал тұрғындары үйді бұзуға қарсы наразылыққа шықты
Сайт әкімшілігі 15.10.2021, 17:20
Жаңа заң жобасы қабылданды
М.СӘУЛЕБЕК 15.10.2021, 12:19
Үлкен жолайрық – үлкен қалаларға тән құбылыс
Арайлым ЕРКЕБАЕВА 15.10.2021, 08:25
«Мұнайдың үстінде отырып мұнайға жарымаймыз»
Еңлік АРЫҚБАЙ 15.10.2021, 08:23
Мектеп құлап жатыр: рас па?
Сайт әкімшілігі 14.10.2021, 12:01
«Атамекен-Түркістан» микро қаржы ұйымы алғашқы жобаны қаржыландырды

Аңдатпа


  • Гүлшара Әбдіқалықова «Жас Алаштың» тілшісімен кездесті
    05.10.2021, 11:21
  • Ұлт құндылығының ұлағаты
    14.09.2021, 12:30
  • «Жас Алаштың» 100 жылдығы Жамбылда жалғасты
    03.08.2021, 11:01
  • «Жас Алаш» газетінің мерейтойына орай бильярдтан турнир өтті
    30.07.2021, 12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29