Түркістанда 25 тойхана жабылды

Б.СӘРСЕНБИ

05.08.2021, 12:59

1284

Түркістан облысында коронавирус инфекциясын жұқтырған адамдардың саны көбейіп, өңір «қызыл аймаққа» өтті. Бірақ соған қарамастан, той-жиын өткізу тоқтамай тұр. Осыған байланысты бақылаушы органдар қатаңдау шаралар қолдануға кірісті.

Облыста  карантин режимін бұзған 25 тойхананың жұмысы сот шешімімен бір айға тоқтатылды. Аудан-қалалардағы мобильді топтар шектеу шараларына мойынсынбаған тұрғындарға 3500-ге жуық хаттама толтырып, 200 миллион теңге көлемінде айыппұл салды. Облыстық санитарлық-эпидемиологиялық бақылау департаменті басшысының орынбасары Бақтыораз Елемесовтің айтуынша, соңғы екі аптада аурушаңдық 2,5 есеге артқан. Үй карантиніне жатқызылған азаматтардың арасында жауапкершілікті сезінбей, қоғамға қауіп төндіріп жүргендер де жоқ емес. Мәселен, «Ashyq» қосымшасы арқылы коронавирус індетін жұқтырған 29 науқас белгілі болып, оларға әкімшілік шара қолданылған.

– Жыл басынан бері өңірде 5754 адам коронавирус инфекциясын жұқтырып, оның 12-сі қайтыс болды. Індетті жұқтырғандардың басым бөлігі вакцина алмағандар екені белгілі болды. Сондықтан барлық азаматтарды вакцина алуға шақырамыз, – деді Б.Елемесов.

Коронавирустың таралуына жол бермеу үшін  Түркістан облысының аумағында орналасқан 500-ден астам тойхананың барлығын енді полиция қызметкерлері күзетеді. Осындай тапсырманы Түркістан облысының әкімі Өмірзақ Шөкеев әкімдіктің апталық отырысында берді. Облыс басшысы пандемиямен күрестің негізгі жолы – вакцинациялау барысын бақылауды, мобильді  топтардың жұмысын күшейтуді  тапсырды.  

 – Әр тойхананың алдына бір-бір полиция қызметкерін қою керек. Бұл да аурудың таралуына жол бермеудің тиімді тәсілі болатын шығар. Күрестің осы жолын да көру керек. Коронавирустың таралуына жол бермеу үшін  жан-жақтан күрес күшейтілсін, – деді өңір басшысы.  

Карантин режимі талаптарының орындалуын бақылау бойынша мобильді топтардың мониторинг жұмыстары күшейтілді. Нәтижесінде соңғы аптада 115 тыйым салынған отбасылық мерекелік іс-шаралар анықталған.   COVID-19 індетін жұқтырғандар саны 10 мың адамға жуықтады. Соңғы  аптада тіркелген 1000-ға жуық жағдайдың көпшілігін белсенді жастағылар (20-49) құрайды. Пандемия басталғалы коронавирус жұқтырғандардың 30 пайыздан астамын науқастармен қарым-қатынаста болғандар, 60 пайызға жуығын ЖРВИ/пневмония диагнозымен және стационарларға жоспарлы шұғыл жатқызылғандар, мемлекеттік шекарадан өткендер және ірі кәсіпорын жұмысшылары, вахташылар құрайды.  

Дегенмен  басқосуда белгілі болғандай, Түркістан өңірі күнделікті тіркеліп отырған науқастар саны бойынша республикада төмен көрсеткіште. Соңғы тәуліктерде облыс қайтадан «сары аймаққа» өтті. Ал коронавирусқа қарсы вакцинация қарқыны жоғары деңгейде. Бүгінгі танда вакцина салу шаралары 141 пунктте жүргізілуде. Олар 109 термоконтейнермен қамтамасыз етілген. 80 көшпелі егу бригадасы жұмыс істеуде. Өңірге вакцинаның 610 мыңға жуық дозасы жеткізілген. Бірінші компонент 583 мыңдай адамға (95 пайыз), екінші компонент 404 мыңға жуық адамға (77 пайыз)  егілген. Жыл басынан бері облыс бойынша жасақталған  127 мобильді топ 190 мыңнан астам нысанды аралаған.

Карантиндік жағдайға байланысты Түркістан қаласында сенбі-жексенбі күндері қоғамдық көліктер мен базарлар жұмысын тоқтатты. Саябақтар да уақытша жабылса, туристік нысандар карантин талаптарын сақтай отырып, жұмысын қалыпты жағдайда жалғастыруда. «Керуен-сарай» кешені келушілерді қабылдайды, бірақ ондағы қоғамдық тамақтану орындары мен ойын-сауық орталықтары жұмыс істемейді.

Жалпы, өңірде 2060 инфекциялық және 300 карантиндік, сондай-ақ 315 реанимациялық төсек-орын ұйымдастырылған.

Тегтер: медицина коронавирус ПТР тест анықтама

ҰҚСАС ЖАҢАЛЫҚТАР

Сайт әкімшілігі 09.08.2022, 17:35
Түркістан: АӘК алатын отбасылардың балалары мектеп формасымен қамтамасыз етіледі
Сайт әкімшілігі 08.08.2022, 18:37
Қытайда жаңа вирус шықты
Сайт әкімшілігі 08.08.2022, 13:41
Алматы облысында жантүршігерлік жол апатынан 5 адам қаза тапты
Сайт әкімшілігі 08.08.2022, 09:11
Оралдағы кәсіпкер өлімі: күдіктілерді іздеуге әскерилер тартылды
Ерзия ЕРСҰҢҚАР 06.08.2022, 09:28
Төтенше жағдай қызметі заманауи талаптарға бейімделіп үлгеруде
Сайт әкімшілігі 04.08.2022, 13:22
Ақтауда полицейді пышақтап кеткен күдікті ұсталды

Аңдатпа


  • Смайыловтың Президентке ұсынған болжамы дөп келе ме?
    09:37
  • «ЭКСПО-2017»: Миллиардттарға салынған мақтаулы нысандар су астында қалды
    09.08.2022, 08:49
  • Ұлттық банк пен Үкімет қымбатшылықты құрықтауға неге қауқарсыз?
    08.08.2022, 08:49
  • Баспана аспандады, азық-түлік шарықтады, үкімет өз жөнімен қалықтап жүр...
    05.08.2022, 09:17
  • АЭС-тің арты жақсы бола ма?!
    04.08.2022, 08:55