Үшінші мегаполис екінші толқынға дайындалып жатыр

М.СӘУЛЕБЕК

17.09.2020, 03:48

914

Үшінші мегаполис екінші толқынға дайындалып жатыр

  Шымкентте коронавирус індетін жұқтырған науқастар азайып келеді

«Соңғы бір тәулікте Шымкент қаласында коронавирус инфекциясының бірде-бір оқиғасы тіркелген жоқ. Яғни бұл қаладан коронавирус жұқтырған науқас табылмады деген сөз. Маңғыстау және Ақтөбе облыстарында бір оқиғадан ғана тіркелді. Бұл бізді қуантпай қоймайды. Бұл осы өңірлердегі тұрғындардың қауіпсіздік шаралары мен санитарлық талаптарды сақтағанын, бір-біріне құрметпен қарағанын білдіреді. Және осы тұрғындар еліміздің өзге де аймақтарына үлгі болады деп үміттенеміз», – деді  денсаулық сақтау министрлігінің ресми өкілі Бағдат Қожахметов орталық коммуникациялар қызметінде өткен брифингте.

Ал Шымкент қаласындағы барлық медициналық ұйымдар коронавирустық инфекциямен күреске қарсы шараларды жүргізуде. Мамандардың болжамы бойынша, індеттің екінші толқыны болуы ықтимал. Сондықтан да осы дертке медицина мамандары төтеп бере білуі керек. 

Осы мақсатта қалада инфекциялық және провизорлық стационарлармен қатар, меншік нысанына қарамастан, барлық бастапқы медициналық санитарлық көмек көрсететін мекемелер  арасында  оқу-жаттығу шаралары басталды.  Шара аясында Шымкент қаласы әкімінің бірінші орынбасары Шыңғыс Мұқан «112» құтқару қызметінің жұмысымен танысып, мамандарға табыс тіледі.

Оқу-жаттығу барысында науқастың «103» пультіне түскен шақыртуынан бастап, тиісті белгілері болған жағдайда стационарға жатқызуға дейінгі  бағытының бастан-аяқ алгоритміне баса назар аударылды. Жедел медициналық көмек шақыртуының төрт санаты бойынша медициналық персоналдың іс-қимыл алгоритмдері пысықталады. Сондай-ақ медициналық персоналға шартты науқастардың жай-күйінің ауырлығын анықтау, қорғаудың барлық шараларын сақтай отырып, провизорлық стационарға тасымалдану жолдары  назарға алынбақ.

Оқу-жаттығу барысында емханалардың мобильді бригадаларының іс-әрекеттері және қажет болған жағдайда пациентті компьютерлік томографияға тексеруге жіберу, ПТР талдауды алу бойынша дайындық жұмыстары жүргізіледі. Оқу-жаттығу жұмыстарына 36 ұйым, тоғыз диагностикалық орталық, жеті зертхана жұмылдырылды.

COVID-19 және вирустық пневмонияның ықтимал өршуіне медициналық ұйымдардың дайындығын анықтау бойынша оқу-жаттығу «Асар» шағынауданындағы қалалық жұқпалы аурулар орталығында жалғасты.

Шымкент қаласының аумағында 14 қыркүйектен бастап, 28 қыркүйекке дейін карантин және шектеу шаралары ұзартылды. Шымкент қаласының мемлекеттік санитарлық бас дәрігерінің қаулысына сәйкес, карантиндік шектеу шараларына бірқатар өзгерістер енгізілді. Осы өзгерістерге сәйкес,  қоғамдық көлік қозғалысына жұмыс күндерімен қоса, сенбі күні де жүруіне рұқсат берілді. 

Жалпы, Шымкентте эпидемиологиялық жағдай тұрақтала бастады. Соңғы тәуліктерде коронавирус жағдайы тіркелмеді. Қалалық денсаулық сақтау басқармасы басшысының міндетін атқарушы Ғалымжан Әбішевтің айтуынша, қазіргі таңда қала бойынша 400 төсек-орын бар. Оның ішінде 335  орын бос. Жүктеменің төмендеуіне байланысты жұмыс істеп тұрған мобильді бригадалардың саны 211-ден 123-ке дейін азайды.

Тегтер:

ҰҚСАС ЖАҢАЛЫҚТАР

Арайлым ЕРКЕБАЕВА 27.02.2021, 22:00
Судьяның тәртібін комиссия қарады
Сайт әкімшілігі 26.02.2021, 14:02
БҚО-да жол апатынан 4 адам қаза тапты
Сайт әкімшілігі 26.02.2021, 12:36
Түркістанға «Гам-КОВИД Вак» вакцинасы жеткізілді
Сайт әкімшілігі 26.02.2021, 11:21
Бірқатар өңірлерде жолдар жабылды
Бақытжан ӘБДІРАШҰЛЫ 26.02.2021, 09:18
Қос азаматтығы бар шенеунік басшылық қызметте қалай жұмыс істеген?
Нұр-Қасым ЖОМАРТ 26.02.2021, 09:15
Ардагерлер кеңесіне ұстанымы биік тұлға қажет

Аңдатпа


  • Буырқанған дауылда сыналған басылым
    25.02.2021, 13:12
  • «Жас Алаштан» басталған журналистік жол
    23.02.2021, 10:51
  • «Жас Алаштың» 100 жылдығымен құттықтаулар легі басталды
    22.02.2021, 13:50
  • «Қасымның тағдыры бұрмаланған»
    19.02.2021, 09:41
  • Түркістан облысында "Жас Алаштың" атында мектеп бар
    15.02.2021, 10:51