Жамбыл облысында құрғақшылықтан мал қырылып жатыр

Сайт әкімшілігі

30.06.2021, 09:37

2448

Осыдан бір ай бұрын Маңғыстауда халық жем-шөп таппай малы қырылып еді. Енді Жамбылдық шаруаларға мал азығын жинау мұңға айналып отыр. Себебі биыл өңірде жаңбыр жаумай шөп жылдағыдай шықпай қалған. Енді шаруалар әбігерге түсіп не істерін белмей жүр, — деп хабарлайды Almaty.tv.

Телеарна мәліметінше, биыл Жамбылда жауын шашын мөлшері аз болғандай, Шу өзенінің көлемі де кеміп кеткен. Салдары тіпті шөбі шүйгін деп саналатын Мойынқұм ауданына да қуаңшылық жайлаған. Жылда маялап шөп алып, мыңғырта мал жаятын мына Тұлпарсаз жайлауының сыйқы сүреңсіз. Шаңы шығып, шөбін қуаңшылық қуратқан. Амалы таусылған шаруалар шөпті ауыл маңынан емес 150 шақырым жерден тасуға мәжбүр. 

«Биыл жаңбыр болған жоқ. Жел болды. Жердің бәрі кеуіп кетті. Шөп жоқ. Шөпті жайылма Мойынқұм жақта жайылма жерлер бар. Солардан қалғандарын орамыз. Шөп іздеп жатыр. Жан-жақтан алып жатыр», — деді шаруа Бағдатбек Асқаров.

«Дизель отынының бағасы 200 теңгеден кем емес. Жұмысшылардың айлығын да беру керек. Қазір 200 мыңнан төмен айлыққа ешкім жұмыс істемейді. Барлығы келген кезде сол шөптің үстіне келіп қосамыз», — деді шаруа Шәймерден Исабеков.

Мойынқұм ауданы бойынша 24 мың гектар шабындық жер болса, оның жартысы қуаңшылықтан құрып кеткен. Енді амалсыз жұрт жайылым жердегі бар шөпті жиып алып жатыр. 210 мың бас малы бар ауданға қыстық шөптің 132 мың тоннасын әзірлеу керек. Биыл бұл меже орындалмайтын түрі бар. Ал, жергілікті биліктің сөзінше, мәселені шешудің жолы бар — шөпті сыртқа шығармай өзімізге жинау.

«Бірінші өзіміздің тұрғындармен шаруақожалығын қамтамасыз ету керек. Артылғанын сату қажет. Сондай қаулы қабылдап сондай тапсырма берілді. Соған комиссия құрылды қаулы бойынша. Біз комиссиямен шығамыз қанша шөбіміз бар, қаншасы артылады деген мәселемен жұмыс істейміз», — деді Мойынқұм аудандық ауыл шаруашылығы бөлімінің басшысы Қызыр Елеусізов.

Аудан билігі осылайша өз шаруаларымызды жарылқасақ жеткілікті деген пікірде. Салдарынан, жай кезде жеріне түк шықпайтын Талас, Сарысу секілді аудандар қиналғалы тұр. Ол жақтағы шаруалар мал азығын амалсыз көрші Түркістан мен Қарағанды облыстарынан еселеген бағамен сатып алмақ. Жалпы облыстың мал азығына деген қажеттілігі 1 миллион 712 мың тонна. Бүгінге дейін оның 350 мың тоннасы ғана әзірленген.

Тегтер: мал шаруашылығы мәселе әкімдік жергілікті әкімшілік

ҰҚСАС ЖАҢАЛЫҚТАР

Сайт әкімшілігі 19:13
Ы.Жақаевтың 130 жылдық мерейтойына орай ауыр атлетикадан жасөспірімдер турнирі өтті
Айтбала СҮЛЕЙМЕНҚЫЗЫ 14:40
Тас жолдарды тоздырған жүк көліктері жүгенсіз кетті
Еркежан АРЫН 11:37
Алматыда ұжымдық иммунитет қалыптастыру жұмыстары қарқынды жүріп жатыр
Расул ЖҰМАЛЫ 21.10.2021, 16:47
Азамат!
Сайт әкімшілігі 21.10.2021, 12:01
Арықта ұйықтап қалған бала отбасына оралды
Сайт әкімшілігі 21.10.2021, 11:58
Алты адам қаза тапқан жол апатының себептері анықталып жатыр

Аңдатпа


  • «Ақиқаттың алдаспаны» байқауына қатысыңыз
    19.10.2021, 10:30
  • Гүлшара Әбдіқалықова «Жас Алаштың» тілшісімен кездесті
    05.10.2021, 11:21
  • Ұлт құндылығының ұлағаты
    14.09.2021, 12:30
  • «Жас Алаштың» 100 жылдығы Жамбылда жалғасты
    03.08.2021, 11:01
  • «Жас Алаш» газетінің мерейтойына орай бильярдтан турнир өтті
    30.07.2021, 12:31