«Даму» қорының атын жамылып, азаматтардан ақша алған ер адам сотталды
Астанада азаматтарға «Даму» қорының бағдарламасы арқылы 100 млн теңге көлемінде жеңілдетілген несие алып беруге уәде берген алаяқ сотталды.
Сот материалдарына сәйкес, ер адам жәбірленушілерден әрқайсысы 1 млн теңгеден алған. Ол азаматтармен консалтингтік қызмет көрсету туралы жалған шарттар жасап, осылайша оларды алдаған.
Осы әрекеттің салдарынан үш азаматқа келтірілген материалдық шығынның жалпы сомасы 4 млн теңгені құрады.
Прокурор сотта сотталушының кінәсін толық дәлелдеді. Сот үкімімен оған 4 жыл 6 айға бас бостандығынан айыру жазасы тағайындалды.
Сот үкімі заңды күшіне енді.
Сайт Әкімшілігі
Сайт Әкімшілігі
