КТК-ға жасалған шабуыл салдарынан Қазақстан 700 млн доллардан астам табыстан қағылды
Мұндай бағалауды мұнай-газ саласының сарапшысы Олжас Байділдинов келтірді. Оның айтуынша, Reuters агенттігі дереккөздеріне сілтеме жасап, шілде айында Қазақстанда мұнай мен газ конденсатын өндіру көлемі маусыммен салыстырғанда 14%-ға азайғанын хабарлаған.
Нәтижесінде өндіріс көлемі 8,6 млн тоннадан 7,6 млн тоннаға, яғни тәулігіне 2,16 млн баррельден 1,85 млн баррельге дейін төмендеген. Байділдиновтың айтуынша, кейбір күндері өндіріс көлемі 50%-дан астам қысқарған. Оның пікірінше, бұған Каспий құбыр консорциумының (КТК) танкерлері мен инфрақұрылымына жасалған дрон шабуылдары себеп болған.
Сарапшының есебінше, шілде айында Brent маркалы мұнайдың орташа бағасы барреліне шамамен 87 доллар болғанын ескерсек, Қазақстан құны кемінде 635 млн доллар болатын шамамен 1 млн тонна көмірсутек өндіре алмаған. Ал газ өндірісінің төмендеуін қоса есептегенде, жалпы шығын 700 млн доллардан асады. Ол 2025 жылы Қазақстанда мұнай мен газ конденсатын өндірудің орташа айлық көлемі 8,3 млн тоннаны құрағанын еске салды.
Сарапшының пікірінше, өткен жылғы КТК жұмысындағы іркілістерден кейін өндіріс қайта қалпына келе бастағанымен, жаңа шабуылдар бұл өсімді тағы да тежеген.
