9 сентября 2026, 11:52 Әлеумет

5 пен 9-сынып оқушылары БЖБ мен ТЖБ тапсырмауы мүмкін

Оқу-ағарту министрлігі бастауыш сыныптардан кейін 5-9-сыныптардағы білімді бағалау жүйесін де өзгертуді жоспарлап отыр.

Сол себепті БЖБ мен ТЖБ-ны алып тастау мәселесі қарастырылып жатыр. Жаңа тәсіл келесі оқу жылынан бастап енгізілуі мүмкін. Бұл туралы Үкіметтегі брифингте Оқу-ағарту министрі Жұлдыз Сүлейменова айтты.

Оның сөзінше, алдымен 5–9-сынып оқушыларының білімін бағалау тәртібі қайта қаралады. Кейін осы тәжірибені 10–11-сыныптарға да енгізу жоспарланған.

Министрдің айтуынша, БЖБ мен ТЖБ-дан бас тарту оқушыларға қойылатын талаптардың төмендейтінін білдірмейді. Білім сапасын бағалаудың жаңа тетіктері сақталады.

Сонымен қатар оқу барысында оқушылардың жас ерекшелігі ескеріліп, тиісті тапсырмалар мен оқу жұмыстарының циклі жалғаса береді.