Алматы мен Шымкентте заңсыз қару сатылған: Ішінде 4 Калашников автоматы бар
Қазақстан Республикасы Ұлттық қауіпсіздік комитеті полиция органдарымен бірлесіп Алматы, Шымкент қалаларында және бірқатар облыстарда заңсыз қару айналымының жолын кесті.
Ведомство мәліметінше, сәуір айында жүргізілген жедел-іздестіру шаралары барысында жалпы 63 қару тәркіленген. Оның ішінде 4 Калашников автоматы, 38 аңшы мылтығы, 20 тапанша, РШГ-2 реактивті штурмдық гранатометі, 4 граната және 188 оқ-дәрі бар.
Сонымен қатар Шығыс Қазақстан облысында жалпы салмағы 346,5 келі болатын өнеркәсіптік жарылғыш зат анықталып, тәркіленді.
Қазіргі уақытта барлық дерек бойынша жедел-тергеу амалдары жүргізіліп жатыр.
Ведомство Қылмыстық-процестік кодекстің 201-бабына сәйкес өзге ақпарат жарияланбайтынын хабарлады.
Сайт Әкімшілігі
Сайт Әкімшілігі
