Жазылу
11:07, 23 Ақпан 2026
Алматы тауларында қар көшкінінің астында қалған турист қаза тапты
Алматы қаласының Медеу ауданында, Титов асуы (биіктігі 3400 м) маңында екі турист қар көшкінінің астында қалған, олардың бірі өздігінен аман шыққан.
Оқиға орнына Алматы қаласы ТЖД-нің 23-әмбебап құтқару бөлімшесі, «Барыс» РММ қызметкерлері, кинологиялық жасақ пен еріктілер жіберілді. Іздестіру-құтқару барысында ұшқышсыз ұшу аппараты қолданылды.
Құтқару операциясы кезінде қар астынан бір адамның мәйіті табылды. Оқиға орнында полиция қызметкерлері мен құтқару қызметінің психологтары жұмыс істеп жатыр.
