Жазылу
Алматылық белсенді АЭС мәселесін талқылау жиынының алдында ұсталғанын айтты
Қазақстанда сот журналист Думан Мұхаммедкәрімге қатысты сот отырысына қатысқаны үшін бейбіт жиын өткізу тәртібін бұзды деген айыппен белсенді Мейірхан Әбдуманаповқа 129 мың теңге (270 доллар) айыппұл салды. Бұл туралы оның өзі Facebook парақшасында айтты.
Ол 19 тамызда Қазақстандағы атом электр стансасының құрылысына қатысты қоғамдық тыңдауларға қатысу үшін автобуспен Астанаға баруға дайындалып жатқан кезде ұсталды.
«Мені Алатау аудандық ішкі істер бөлімінде 7-8 сағаттай қамап, ақыры жарты жылдан астам уақыт бұрын өткен журналист Думан Мұхаммедкәрімге қатысты сот процесіне қатысқаным үшін 129 мың теңге айыппұл төледім, дейді Әбдуманапов.
Әбдуманапов өзін АЭС құрылысына қатысты тыңдауларға қатысуға жол бермеу үшін ұсталды деп есептейді. Бұған дейін ол Қарағанды мен Алматыда өткен пікірталастарға қатысқан.
Ол АЭС құрылысына байланысты жиындарды «Путиннің және басқа да ядролық корпорациялардың жарнамасы» екенін айтады.
