Алматыда көлік аялдамаға соғылды, зардап шеккендер бар

Хабарламада көліктің сол сәтте адамдар тұрған аялдамаға соғылғаны көрсетілген.

Алматы полиция департаменті жол апатының 28 тамыз күні сағат 12:20-да болғанын хабарлады. «Мерседес» көлігін тізгіндеген 1987 жылы туған жүргізуші Абылай ханға қарай келе жатып, Райымбек даңғылына солға бұрылып, рульді басқара алмай, автобус аялдамасын соққан.

«Осы жол апатының салдарынан аялдамада болған 7 адам зардап шекті. Олар қаланың емдеу мекемелеріне жеткізілді. Жол-көлік оқиғасы фактісі тіркеліп, Алмалы аудандық полиция қызметкерлерінің назарына алынды», — деді полиция.