Байден сайлаудан бас тартпайтынын мәлімдеді

CBS телеарнасының дереккөздерге сілтеме жасап хабарлауынша, АҚШ президенті бұл туралы серіктестерімен сайлау алдындағы телекөпір барысында мәлімдеген.

«Мен мұны мүмкіндігінше анық, қарапайым және түсінікті етіп айтайын: мен дайындалып жатырмын. Мен Демократиялық партиядан үміткермін. Мені ешкім ығыстырып жатқан жоқ. Мен кетпеймін», - деді Байден.

Телекөпір барысында президент пікірталастағы сәтсіздікті мойындады, бірақ CBS атап өткендей, оған қарамастан Байденнің науқаны оқиғаның салдарын жеңілдетуге бағытталған.

NRP хабарлауынша, партия жақтастарына электронды хатта Байден жарыстан «кетпейтінін» атап өтті.

«Мен бұл жарыста соңына дейін барамын және біз бұл сайлауда жеңіске жетеміз», - делінген хатта.

Байден сонымен қатар 3 шілдеде демократиялық губернаторлармен кездесіп, оның сайлауға қатысуын жалғастыруға қатысты туындаған алаңдаушылықтарды шешуге тырысты. Кездесуге қатысқан Нью-Йорк, Миннесота және Мэриленд губернаторларының айтуынша, олар Байденнің кандидатурасын қолдауды жалғастырады, деп жазады Reuters.