Блогер Әділетхан Молдаханның үкімі өзгеріссіз қалды

Сот бірінші инстанция шығарған үкімді өзгеріссіз қалдырды. Осылайша, Молдаханға тағайындалған 2 жыл 6 ай бас бостандығынан айыру жазасы күшінде қалды.

Блогердің жұбайының айтуынша, отбасы зардап шеккен тарапқа моральдық өтемақы төлеген. Сондықтан ол күйеуін қамаудан босатады деп күткенін айтты.

Еске салайық, Әділетхан Молдахан Әл-Фараби даңғылында болған адам өліміне әкелген жол-көлік оқиғасына қатысты көрінеу жалған ақпарат таратқаны үшін кінәлі деп танылған. Бұдан бөлек, сот оған бес жыл бойы қоғамдық-саяси, публицистикалық және блогерлік қызметпен айналысуға тыйым салған.