Джо Байден: Украина Путинді тоқтатады

Еуропа мен Солтүстік Американың НАТО жетекшілері осы аптада альянс саммитіне қатысу үшін Вашингтонда бас қосты. Кездесудің күн тәртібінде Украинаға көмек көрсету, сондай-ақ қорғаныс пен қауіпсіздік саласындағы бірлікті нығайту бар.

Бұл жолы АҚШ президенті Джо Байденнің халық алдында сөйлеген сөздері мен өзін ұстауы ерекше назарда. НАТО-ның 75 жылдығына арналған іс-шарада Байден Украина Ресейдің агрессиясына қарсы әрекеттен қайтпайтынын айтты, деп жазады Euronews.

Еуропада Путиннің Украинаға қарсы басқыншылық соғысы жалғасуда және Путин украин демократиясын тоқтату үшін Украинаны толығымен бағындырудан басқа ештеңені қаламайды. Ол Украинаның мәдениетін жойып, Украинаны картадан өшіргісі келеді. Ал біз Путиннің Украинада тоқтамайтынын білеміз. Бірақ қателеспеңіз: Украина Путинді тоқтата алады және тоқтатады, АҚШ президенті.

НАТО бас хатшысы Йенс Столтенберг альянс елдерін Ресей агрессиясына тап болып отырған Украинаға белсенді қолдау көрсетуді жалғастыруға шақырды. Сейсенбі күні НАТО саммитінің ашылуында сөйлеген сөзінде ол «көрші ретінде агрессивті Ресеймен» шығындар болатынын және ең үлкен шығын мен ең үлкен тәуекел Ресейдің Украинадағы жеңісі екенін айтты.

Бұл - президент Путинді қуаттап қана қоймайды. Бұл Иран, Солтүстік Корея және Қытайдағы басқа да авторитарлық көшбасшыларды жігерлендіреді. Олардың барлығы Ресейдің сұрапыл соғысын қолдайды. Олардың барлығы НАТО-ның сәтсіздікке ұшырағанын қалайды. Қазір бостандық пен демократия үшін күресетін уақыт. Ал, күресетін жер - Украина, деді НАТО Бас хатшысы Йенс Столтенберг.

Саммитте қорғаныс-өнеркәсіптік жаңа міндеттемеге қол қойылады деп күтілуде.