Гренландияны АҚШ-қа қосуға дәмелі Дональд Трамптың ұлы сол жаққа сапарға аттанды
Кіші Дональд Трамп Нуук қаласына «Трамп» деген жазуы бар ұшақпен келді. Дания Сыртқы істер министрлігі бұл ресми сапар емес деп мәлімдеді.
АҚШ-тың жаңадан сайланған президенті Дональд Трамп аумақты бақылауды қалайтынын хабарлағаннан екі аптадан кейін Кіші Дональд Трамп Данияның Гренландиясындағы Нуук қаласына барды. Бүйірінде «Трамп» деген жазуы бар Boeing 757 ұшағы сейсенбі, 7 қаңтар күні әуежайға қонды.
Трамп сапары туралы 6 қаңтарда Truth Social сайтында жариялады. «Менің ұлым кіші Дон және басқа да АҚШ өкілдер ол жерге ең керемет көрікті жерлерді аралау үшін барады», - деп жазды ол.
Дания Сыртқы істер министрлігі өз кезегінде бұл ақпаратты назарға алғанын мәлімдеді. «Бұл Американың ресми сапары болмағандықтан, Дания Сыртқы істер министрлігі бұдан былай ешқандай түсініктеме бермейді», - деп хабарлады Франс Пресс департаменттен.
