Жобалар
Редакциямен байланыс
Жарнама
13:14, 30 Қаңтар 2024

Илон Маск емес. Әлемдегі ең бай адам анықталды

Бернар Арно Илон Маск
Фото:

Әлемдегі ең бай адамдар тізіміндегі көшбасшы кәсіпкер өзгерді. Сарапшылар  мұндай рейтингтердегі жылдам өзгерістер бүгінгі нарықты болжау мүмкін емес және құбылмалы екенін көрсететінін айтады.

 Бұл туралы Euronews жазды.

LVMH (Louis Vuitton Moët Hennessy) басшысы Бернар Арно әлемдегі ең бай адам атанды. Forbes қазіргі миллиардерлер тізімінде француз кәсіпкерінің байлығын 207,6 миллиард долларға бағалап, бірінші орынға шығарды. Илон Масктың дәулеті  – 204,7 миллиард доллар.

Басылымның мәліметінше, өткен аптада бір күнде Арноның капиталына 22,7 миллиард доллар қосылды. Дәл осы өсу оған Масктан озып шығуға мүмкіндік берген.

Сонымен қатар, кейінгі 2 жылда LVMH нарықта табысты және тұрақты позицияға ие. LVMH іріктелген бөлшек сауда секторынан айтарлықтай табыс әкеледі. Компанияның үлкен табысы Sephora дүкендер желісі мен эксклюзивті DFS өнімдерінің халықаралық галереяларынан келеді.