Карантиндік шектеулер енгізіледі деген ақпарат шындыққа жанаспайды - ДСМ
ҚР Денсаулық сақтау министрлігінің Санитарлық-эпидемиологиялық бақылау комитеті әлеуметтік желілерде COVID-19-ға байланысты жаппай шектеулер енгізілгені туралы ақпаратты жоққа шығарды.
Әлеуметтік желілерде 15 қыркүйектен бастап барлығына карантиндік шектеулер мен бетперде режимі енгізіледі деген ақпарат шындыққа жанаспайды, делінген хабарламада.
Комитет нақтылағандай, 15 қыркүйектен бастап эпидемиялық маусымда профилактикалық және эпидемияға қарсы іс-шараларды жүргізуді қамтамасыз ететін тұмауға қарсы егу жұмыстары басталады.
Ал, маска режимі тек медициналық ұйымдардың қызметкерлері үшін енгізіледі. Сондай-ақ, ведомство коронавирус инфекциясы бойынша жағдай бақылауда екенін айтты.
Жалған ақпарат таратқан тұлғалардың әрекетіне құқықтық баға беру үшін материалдар құқық қорғау органдарына берілген.
