Қайрат Боранбаев бостандыққа шықты

Боранбаевқа қатысты пробациялық бақылау жағдайында жазасын тұрғылықты жері бойынша өтейтін болады.

Еске салайық, Ақмола облысының соты 6 жылға бас бостандығынан айырылған Қайрат Боранбавтың жазасын жеңілдетіп, бас бостандығын шектеу жазасын тағайындаған болатын. Сот шешімі бойынша ол пробациялық бақылауда болады.

Үкімді ауыстыру кезінде келесі мән-жайлар ескерілді:

• сотталған адам жаза мерзімінің 1/3 бөлігін (2 жыл 4 ай 5 күн) өтеді;
• мемлекетке келтірілген залалды толығымен өтеп, тергеуге көмектесті және ісіне өкінеді;
• қамауда ұстау кезінде оған оң сипаттама берілді.

Бас прокурордың орынбасары Әсет Шындалиев белгілі кәсіпкер Қайрат Боранбаевтың бостандыққа қашан шығатынын айтты. Бұған дейін кәсіпкердің түрмеден шығатыны хабарланған еді.