Қазақ университеті атынан «Елбасы» сөзі алынып тасталады
Парламент Сенатының депутаты Бекбол Орынбасаров Қазақстан университетінің атынан «Елбасы» сөзі алынып тасталатынын айтты.
Сенат отырысында депутат бұл жоспарлар «Қазақстан Республикасының Тұңғыш Президенті – Елбасы туралы» заңға енгізілген өзгерістерге байланысты екенін айтты.
«Бұл жеке мәселе, Қазақстанның арнаулы мемлекеттік органдары туралы заң нормаларын сақтау қажет болды. Заң Қазақстан Республикасының Тұңғыш Президенті – Елбасы атындағы Ұлттық қорғаныс университетінде кадрлар даярлау мәселесін реттейді.
«Сенаторлар «Қазақстан Республикасының Тұңғыш Президенті – Елбасы туралы» Конституциялық заңының қолданысын тоқтатуға байланысты аталған университеттің атауындағы «Қазақстан Республикасының Тұңғыш Президенті – Елбасы» деген сөздерді «Қазақстан Республикасы» деген сөздермен ауыстыруды ұсынды», – деді депутат Орынбасаров.
Еске салайық, Мемлекет басшысы Қасым-Жомарт Тоқаев «Қазақстан Республикасының Тұңғыш Президенті – Елбасы туралы» Конституциялық заңның күші жойылатын конституциялық заңға қол қойған болатын.
Қаңтар айында Парламент «Елбасы туралы» заңның күшін жойған болатын.
